ಮುಂಬಯಿ : ಹಾರ್ಬರ್‌ ರೈಲು ಸೇವೆ ಬಾಧಿತ, ತಾಂತ್ರಿಕ ತೊಂದರೆ

ಮುಂಬಯಿ : ಮುಂಬಯಿ ಹೊರವಲಯದ ಹಾರ್ಬರ್‌ ಲೈನ್‌ ರೈಲು ಸೇವೆಯಲ್ಲಿ ಇಂದು ಸಿಎಸ್‌ಎಂಟಿ ಮತ್ತು ವಡಾಲಾ ರೋಡ್‌ ಸ್ಟೇಶನ್‌ ನಡುವಿನ ಮಾರ್ಗದಲ್ಲಿ ತಾಂತ್ರಿಕ ಅಡಚಣೆ ಉಂಟಾಗಿ ರೈಲು ಸಂಚಾರ ತೀವ್ರವಾಗಿ ಬಾಧಿತವಾಯಿತು.

ಸಾಧ್ಯವಿರುವಷ್ಟು ಬೇಗನೆ ರೈಲು ಸೇವೆಯನ್ನು ಪುನರ್‌ ಸ್ಥಾಪಿಸಲು ಇಂಜಿನಿಯರ್‌ಗಳ ತಂಡವನ್ನು ಕಾರ್ಯೋನ್ಮುಖಗೊಳಿಸಲಾಗಿದೆ. 

ಓವರ್‌ ಹೆಡ್‌ ಎಕ್ವಿಪ್‌ಮೆಂಟ್‌ನಲ್ಲಿ ತಾಂತ್ರಿಕ ತೊಂದರೆ ಉಂಟಾದದ್ದೇ ರೈಲು ಸೇವೆಯ ಅಡಚಣೆಗೆ ಕಾರಣವಾಯಿತು ಎನ್ನಲಾಗಿದೆ. ಹಾಗಿದ್ದರೂ ವಡಾಲಾ ರೋಡ್‌ನಿಂದ ಅಂಧೇರಿ ಮತ್ತು ವಡಾಲಾ ರೋಡ್‌ನಿಂದ ಪನ್ವೇಲ್‌ ವರೆಗಿನ ಮಾರ್ಗದಲ್ಲಿ ರೈಲು ಸಂಚಾರ ಅಬಾಧಿತವಾಗಿ ಸಾಗುತ್ತಿರುವುದಾಗಿ ಸೆಂಟ್ರಲ ರೈಲ್ವೇಸ್‌ ಚೀಫ್ ಪಿಆರ್‌ಓ ಸುನೀಲ್‌ ಉದಾಸಿ ತಿಳಿಸಿದ್ದಾರೆ.