Advertisement
ವಿಲೇವಾರಿಯಾಗದ ಅರ್ಜಿಗಳುಸಾರ್ವಜನಿಕರು ಖಾತಾ ಬದಲಾವಣೆಗೆ ಪಾಲಿಕೆ ಯ ಕಂದಾಯ ವಿಭಾಗಕ್ಕೆ ಅರ್ಜಿ ಹಾಕಿದ್ದರೂ ವಿಲೇವಾರಿ ಮಾತ್ರ ಆಗುತ್ತಿಲ್ಲ. ಇಲಾಖೆಗೆ ಸಂಬಂಧಿಸಿದ ಎಲ್ಲ ಪ್ರಕ್ರಿಯೆಗಳು ಆನ್‌ಲೈನ್‌ ಮುಖೇನ ನಡೆಸಲು ಉದ್ದೇಶಿಸಿರುವುದರಿಂದ ಕಂದಾಯ ಇಲಾಖೆಯಲ್ಲಿದ್ದ ಸರ್ವರ್‌ ಗೆ ಲೋಡ್‌ ಹೆಚ್ಚಾಗಿ ದಿನಕಳೆದಂತೆ ದಾಖಲೆಗಳನ್ನು ಸ್ಕ್ಯಾನ್ ಮಾಡುವ ಪ್ರಕ್ರಿಯೆ ನಿಧಾನಗತಿ ಪಡೆಯಿತು. ಈಗ ಸರ್ವರ್‌ ಕಾರ್ಯಚರಿಸುವುದನ್ನೇ ಭಾಗಶಃ ನಿಲ್ಲಿಸಿದಂತಾಗಿದೆ.
ಈ ಮಧ್ಯೆ ಪಾಲಿಕೆಯ ಕುಡಿಯುವ ನೀರಿನ ವಿಭಾಗದಲ್ಲಿರುವ ಸಾಫ್ಟ್‌ ವೇರ್‌ನ್ನು ಹೊಸ ಸರ್ವರ್‌ಗೆ ಲಿಂಕ್‌ ಮಾಡದೆ ಇರುವುದರಿಂದ ನೀರು ಪೂರೈಕೆ ಇಲಾಖೆಯಲ್ಲೂ ಈ ಸರ್ವರ್‌ ಕಾರ್ಯಾಚರಿಸುತ್ತಿಲ್ಲ. ಇದರಿಂದ ನೀರಿನ ಬಿಲ್‌ನಲ್ಲೂ ತೊಂದರೆಯಾಗುತ್ತಿದೆ. ಎ. 1ರಿಂದ ಈವರೆಗೆ ನೀರಿನ ಬಿಲ್‌ ಕೂಡ ಸರಿಯಾಗಿ ಅಪ್‌ಡೇಟ್‌ ಆಗುತ್ತಿಲ್ಲ.
Related Articles
ಪಾಲಿಕೆಯ ಆನ್‌ಲೈನ್‌ ವ್ಯವಸ್ಥೆ ಹಾಗೂ ಅರ್ಜಿ ವಿಲೇವಾರಿಯಲ್ಲಿ ಸಮಸ್ಯೆಗಳಾದ ಬಗ್ಗೆ ಮಾಹಿತಿ ಬಂದಿದೆ. ಈ ಬಗ್ಗೆ ಅಧಿಕಾರಿಗಳ ಜತೆಗೆ ಸಭೆ ನಡೆಸಿ ತುರ್ತು ಬಗೆಹರಿಸಲು ಕ್ರಮ ಕೈಗೊಳ್ಳಲಾಗುವುದು.
- ಭಾಸ್ಕರ್‌ ಕೆ., ಮೇಯರ್‌
Advertisement
ಬಂದದ್ದು ಕಂದಾಯಕ್ಕೆ ;ಹೋದದ್ದು ನೀರು ಸರಬರಾಜಿಗೆ!ಇಂತಹ ಸಮಸ್ಯೆ ಬರಬಾರದೆಂದು ಲೆಕ್ಕಹಾಕಿ ಇಲಾಖಾ ಅಧಿಕಾರಿಗಳು ಹೊಸ ಸಾಫ್ಟ್‌ವೇರ್‌ ಅನ್ನು ಕಂದಾಯ ಇಲಾಖೆಗೆ ತರಿಸಿಕೊಂಡರು. ಅದೇ ಸಂದರ್ಭದಲ್ಲಿ ಪಾಲಿಕೆ ವ್ಯಾಪ್ತಿಯಲ್ಲಿ ನೀರಿನ ಬಿಲ್‌ ವಿತರಿಸುವ ಟೆಂಡರ್‌ ಮುಗಿದಿದ್ದ ಕಾರಣ ಬಿಲ್‌ ವಿತರಿಸಲು ತೊಂದರೆಯಾಗುತ್ತಿದೆ ಎಂಬ ಸಮಸ್ಯೆ ಭುಗಿಲೆದ್ದಿತ್ತು. ಈ ಕಾರಣಕ್ಕಾಗಿ ಕಂದಾಯ ಇಲಾಖೆಗೆ ಬಂದ ಸರ್ವರ್‌ ಅನ್ನು ನೀರು ಸರಬರಾಜು ವಿಭಾಗಕ್ಕೆ ನೀಡಲಾಯಿತು. ಆದ್ದರಿಂದ ಕಂದಾಯ ವಿಭಾಗದ ಖಾತಾ ಬದಲಾವಣೆ ಸಮಸ್ಯೆ ಹಾಗೆಯೇ ಮುಂದುವರಿಯಿತು. ಜು. 19ರಿಂದ ಈವರೆಗೆ ಸಲ್ಲಿಸಿದ ಎಲ್ಲ ಅರ್ಜಿಗಳು ಬಾಕಿಯಾಗಿವೆ.