ವಿದ್ಯಾರ್ಥಿಗಳಿಗೆ ಕಲೆ ಆಭಿರುಚಿ ಇರಬೇಕು

ಕೆಂಗೇರಿ: ವಿದ್ಯಾರ್ಥಿಗಳು ಓದಿನ ಜತೆಗೆ ಕಲೆ, ಸಾಂಸ್ಕೃತಿಕ ಕಾರ್ಯಕ್ರಮ, ಮನೋರಂಜನೆ, ಕ್ರೀಡೆ ಹಾಗೂ ಸಾಹಿತ್ಯದ ಬಗ್ಗೆಯೂ ಆಸಕ್ತಿ ಬೆಳೆಸಿಕೊಳ್ಳಬೇಕು ಎಂದು “ಕಿನ್ನರಿ’ ಧಾರಾವಾಹಿ ಖ್ಯಾತಿಯ ನಟಿ ಜ್ಯೋತಿ ರೈ ಅಭಿಪ್ರಾಯಪಟ್ಟರು. 

ಕೆಂಗೇರಿ ಉಪನಗರದ ಶೇಷಾದ್ರಿಪುರಂ ಸ್ವತಂತ್ರ ಪದವಿಪೂರ್ವ ಕಾಲೇಜಿನಲ್ಲಿ ಸೋಮವಾರ ಆಯೋಜಿಸಿದ್ದ ಸಾಂಸ್ಕೃತಿಕ ತರಗತಿ ಹಾಗೂ ಟ್ಯಾಲೆಂಟ್‌ ಡೇ ಕಾರ್ಯಕ್ರಮದಲ್ಲಿ ಮಾತನಾಡಿ, ವಿದ್ಯಾರ್ಥಿಗಳು ನಮ್ಮದಲ್ಲದ ಪಾಶ್ಚಿಮಾತ್ಯ ಸಂಸ್ಕೃತಿಗೆ ಮಾರುಹೋಗಿದ್ದಾರೆ. ಇದು ಅಪಾಯಕಾರಿ ಬೆಳವಣಿಗೆ ಎಂದು ಆತಂಕ ವ್ಯಕ್ತಪಡಿಸಿದರು.

ಶೇಷಾದ್ರಿಪುರಂ ಕಾಲೇಜಿನ ಖಜಾಂಚಿ ಅಶೋಕ್‌, ಬಿ.ಎ.ಅನಂತರಾಮ್‌, ಪ್ರಿನ್ಸಿಪಾಲ್‌ ಡಾ.ಆರ್‌.ಡಿ.ಸತೀಶ್‌ ಉಪಸ್ತಿತರಿದ್ದರು.