ಸೇನಾಧಿಕಾರಿಗಳ ಸೋಗಿನಲ್ಲಿ ಬಂದು ಸೇನಾ ಶಿಬಿರದಿಂದಲೇ ಶಸ್ತ್ರಾಸ್ತ್ರ ಕದ್ದರು!

ಭೋಪಾಲ್: ಇಬ್ಬರು ಅಪರಿಚತರು ಸೇನಾಧಿಕಾರಿಗಳ ಸೋಗಿನಲ್ಲಿ ಬಂದು ಸೇನಾ ಶಿಬಿರದಿಂದ ರೈಫಲ್ ಗಳು ಮತ್ತು ಸಿಡಿಗುಂಡುಗಳನ್ನು ದೋಚಿದ ಘಟನೆ ಗುರುವಾರ ರಾತ್ರಿ ಪಚಮಾರಿ ಶಿಬಿರದಲ್ಲಿ ನಡೆದಿದೆ.

ಭೋಪಾಲ್ ನಿಂದ 200 ಕಿ.ಮೀ ದೂರದಲ್ಲಿರುವ ಪಚಮಾರಿ ಸೇನಾ ಶಿಬಿರಕ್ಕೆ ಗುರುವಾರ ರಾತ್ರಿ ಇಬ್ಬರು ಆಗಮಿಸಿದ್ದರು. ಅಲ್ಲಿ ಕರ್ತವ್ಯದಲ್ಲಿದ್ದ ಸಿಬ್ಬಂದಿಯೊಂದಿಗೆ ಮಾತನಾಡುತ್ತಾ ಅಲ್ಲಿಂದ ಒಂದು ಐಎನ್ಎಸ್ಎಎಸ್ ರೈಫಲ್ ಮತ್ತು 20 ಸಜೀವ ಸಿಡಿಗುಂಡುಗಳನ್ನು ಆ ಅಪರಿಚಿತರು ಎಗರಿಸಿದ್ದಾರೆ. ಅವರಿಬ್ಬರೂ ಟ್ಯಾಕ್ಸಿಯಲ್ಲಿ ಅಲ್ಲಿಂದ ಹೋದ ನಂತರವೇ ಶಸ್ತ್ರಾಸ್ತ್ರ ಕಳುವಿನ ಮಾಹಿತಿ ಸಿಬ್ಬಂದಿಗೆ ತಿಳಿದಿದೆ.

ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಈ ಅಪರಿಚತರ ಮೇಲೆ ಎಫ್ ಐಆರ್ ದಾಖಲಿಸಲಾಗಿದೆ. ಎಲ್ಲಾ ಕಡೆ ಎಚ್ಚರಿಕೆ ವಹಿಸಲಾದೆ.