ಯುಎಇ: 14 ಕೋಟಿ ಜನರಿಗೆ ಆಹಾರ ಸಂಕಷ್ಟ: ಕ್ರಿಸ್ಟಾಲಿನಾ ಜಾರ್ಜಿವಾ

ದುಬಾೖ: ಅರಬ್‌ ಸಂಯುಕ್ತ ಸಂಸ್ಥಾನದಲ್ಲಿರುವ ಸರಿ ಸುಮಾರು 14.1 ಕೋಟಿ ಜನರು ಜಾಗತಿಕ ಆರೋಗ್ಯ ಸಂಕಷ್ಟಕ್ಕೆ ಸಿಲುಕಿದ್ದಾರೆ ಎಂದು ಅಂತಾರಾಷ್ಟ್ರೀಯ ಹಣಕಾಸು ನಿಧಿ(ಐಎಂಎಫ್)ಯ ವ್ಯವಸ್ಥಾಪಕ ನಿರ್ದೇಶಕರಾಗಿರುವ ಕ್ರಿಸ್ಟಾಲಿನಾ ಜಾರ್ಜಿವಾ ಅವರು ಸೋಮವಾರ ತಿಳಿಸಿದ್ದಾರೆ.

ಸೌದಿ ಅರೇಬಿಯಾದ ರಿಯಾಧ್‌ ನಗರದಲ್ಲಿ ಸಮಾವೇಶವೊಂದರಲ್ಲಿ ಭಾಗವಹಿಸಿದ್ದ ಅವರು ಈ ಮಾತುಗಳನ್ನಾಡಿದ್ದಾರೆ. “ಜಾಗತಿಕ ಆಹಾರ ಸಮಸ್ಯೆಯು ವ್ಯಾಪಕವಾಗಿ ಹರಡಿದೆ.

ವಿಶ್ವಾದ್ಯಂತ ಒಟ್ಟು 48 ರಾಷ್ಟ್ರಗಳ ಜನರು ಈ ಸಮಸ್ಯೆಯಿಂದಾಗಿ ಬಳಲುತ್ತಿದ್ದಾರೆ. ಅದರಲ್ಲಿ ಅರ್ಧದಷ್ಟು ರಾಷ್ಟ್ರಗಳು ತುಂಬಾ ದುರ್ಬಲವಾಗಿದೆ’ ಎಂದು ಕ್ರಿಸ್ಟಾಲಿನಾ ಅವರು ಹೇಳಿದ್ದಾರೆ.

ಪರಿಸ್ಥಿತಿಯನ್ನು ಸರಾಗಗೊಳಿಸುವ ಸಲುವಾಗಿ ಆಹಾರ ವ್ಯಾಪಾರ ನಿರ್ಬಂಧಗಳ ವಿರುದ್ಧ ಹೋರಾಡುವುದಕ್ಕೆ ಐಎಂಎಫ್ ಕೂಡ ಸೇರಿಕೊಳ್ಳುತ್ತದೆ ಎಂದೂ ಅವರು ಹೇಳಿದ್ದಾರೆ.