ಎದುರಾಗಿತ್ತು. ಆದರೆ, “ರಾಜರಥ’ ಬಿಡುಗಡೆಯಾದಾಗ ಅಂತಹ ಪರಿಸ್ಥಿತಿ ಏನಿರಲಿಲ್ಲ. ದೊಡ್ಡ ಸಂತೋಷವಲ್ಲದಿದ್ದರೂ, ಭಂಡಾರಿ ಸಹೋದರರು ಸ್ವಲ್ಪ ನಿರಾಳವಾಗಿದ್ದರು.
Advertisement
ಚಿತ್ರಕ್ಕೆ ನೀಡಿದ ಪ್ರತಿಕ್ರಿಯೆ ಬಗ್ಗೆ ಖುಷಿಯಾಗಿದ್ದರು. ಮೊದಲು ಮಾತನಾಡಿದ ಅನೂಪ್‌ ಭಂಡಾರಿ, “ಚಿತ್ರ ಬಿಡುಗಡೆಯಾದಾಗಿನಿಂದ ಸಾಕಷ್ಟು ಪ್ರತಿಕ್ರಿಯೆಗಳು ಬರುತ್ತಿವೆ. ಕೆಲವರು ಚಿತ್ರ “ರಂಗಿತರಂಗ’ ತರಹ ಇರಬಹುದು ಎಂಬ ನಿರೀಕ್ಷೆಗಳನ್ನಿಟ್ಟುಕೊಂಡು ಬಂದಿದ್ದರಂತೆ. ಆ ತರಹ ಇಲ್ಲ ಎಂದು ಆಮೇಲೆ ಗೊತ್ತಾಗಿದೆ. ಈಗಾಗಲೇ ಬೆಂಗಳೂರು ಚಿತ್ರಮಂದಿರಗಳಿಗೆ ಭೇಟಿ ನೀಡಿದ್ದೇವೆ. ಮುಂದಿನ ದಿನಗಳಲ್ಲಿ ಬೇರೆ ಊರುಗಳಿಗೂ ಹೋಗಿ, ಜನರಿಗೆ ಧನ್ಯವಾದ ಸಲ್ಲಿಸುವುದರ ಜೊತೆಗೆ ಚಿತ್ರದ ಬಗ್ಗೆ ಪ್ರಚಾರ ಮಾಡಿ ಬರುತ್ತೇವೆ’ ಎಂದು ಹೇಳಿದರು.
ಕುರಿತು ಮಾತನಾಡಿದ ನಿರ್ಮಾಪಕರಲ್ಲೊಬ್ಬರಾದ ಸತೀಶ್‌ ಶಾಸ್ತ್ರಿ, “ಚಿತ್ರವನ್ನು 215 ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಿದ್ದೇವೆ. ಕನ್ನಡ ಮತ್ತು ತೆಲುಗು ವರ್ಷನ್‌ಗಳನ್ನು ಬಿಡುಗಡೆ ಮಾಡಿದ್ದೇವೆ. ಮೊದಲ ಮೂರು ದಿನದಲ್ಲಿ ಒಂದು ಲಕ್ಷ ಡಾಲರ್‌ ಕಲೆಕ್ಷನ್‌ ಆಗಿದೆ. ಏಪ್ರಿಲ್‌ 7ರಿಂದ ಬೇರೆ ದೇಶಗಳಲ್ಲಿ ಬಿಡುಗಡೆಯಾಗಲಿದೆ. ಅಲ್ಲಿಗೆ ಅನೂಪ್‌ ಮತ್ತು ನಿರೂಪ್‌ ಹೋಗಿ ಚಿತ್ರದ ಪ್ರಚಾರ ಮಾಡುವುದರ ಜೊತೆಗೆ ಸಂವಾದ ಮಾಡಿ ಬರುತ್ತಾರೆ’ ಎಂದು ಹೇಳಿದರು. ನಿರೂಪ್‌ ಖುಷಿಯಾಗಿದ್ದರು. “ಟ್ರೇಲರ್‌ ನೋಡಿದಾಗ ಬಹಳಷ್ಟು ಜನರಿಗೆ ಚಿತ್ರ ಹೀಗಿರಬಹುದು, ಒಳ್ಳೆಯ ಸಂದೇಶವಿರಬಹುದು ಎಂಬ ನಿರೀಕ್ಷೆ ಇರಲಿಲ್ಲ. ಈಗ ಚಿತ್ರ ನೋಡಿದವರೆಲ್ಲರೂ ಮೆಚ್ಚಿಕೊಂಡಿದ್ದಾರೆ’
ಎಂದು ಖುಷಿಯಾದರು.