ಡ್ಯಾನಿ ಫೈಟ್‌ ಶುರು

“ತಾರಕಾಸುರ’ ಚಿತ್ರದಲ್ಲಿ ವಿದೇಶಿ ನಟ ಡ್ಯಾನಿ ಸಪಾನಿ ವಿಲನ್‌ ಆಗಿ ನಟಿಸುತ್ತಾರೆಂಬ ಸುದ್ದಿ ನಿಮಗೆ ಗೊತ್ತೇ ಇದೆ. ಅದರಂತೆ ಈಗ ಡ್ಯಾನಿ “ತಾರಕಾಸುರ’ ಚಿತ್ರದ ಶೂಟಿಂಗ್‌ನಲ್ಲಿ ಬಿಝಿ ಇದ್ದಾರೆ. ತಲಕಾಡು ಸುತ್ತಮುತ್ತ ಸತತ ಕಳೆದ ಏಳು ದಿನಗಳಿಂದ ಆ್ಯಕ್ಷನ್‌ ದೃಶ್ಯಗಳ ಚಿತ್ರೀಕರಣ ನಡೆಯುತ್ತಿದೆ.

ಡ್ಯಾನಿ ಸಪಾನಿ ಇಲ್ಲಿ ಖಡಕ್‌ ವಿಲನ್‌ ಆಗಿ ನಟಿಸುತ್ತಿದ್ದು, ನಿರ್ದೇಶಕ ಚಂದ್ರಶೇಖರ್‌ ಬಂಡಿಯಪ್ಪ ಅವರಿಗೆ ಹೊಸ ಗೆಟಪ್‌ ಕೂಡಾ ಕೊಟ್ಟಿದ್ದಾರೆ. ಖಡಕ್‌ ವಿಲನ್‌ ಒಬ್ಬನ ಎಂಟ್ರಿ ಕೂಡಾ ಜೋರಾಗಿರಬೇಕೆಂಬ ಕಾರಣಕ್ಕೆ ತಲಕಾಡುವಿನಲ್ಲಿ ಹೈವೋಲ್ಟೆàಜ್‌ ಆ್ಯಕ್ಷನ್‌ ದೃಶ್ಯಗಳನ್ನು ಚಿತ್ರೀಕರಿಸಿಕೊಳ್ಳುತ್ತಿದೆ ಚಿತ್ರತಂಡ.

 ಮರಳು ಮಾಫಿಯಾ ಡಾನ್‌ ಆಗಿರುವುದರಿಂದ ಹೆಚ್ಚು ಮರಳಿರುವ ಜಾಗದಲ್ಲೇ ಚಿತ್ರೀಕರಣ ಮಾಡಬೇಕೆಂಬ ಕಾರಣಕ್ಕೆ ಚಿತ್ರತಂಡ ತಲಕಾಡು ಸುತ್ತಮುತ್ತ ಬೀಡುಬಿಟ್ಟಿದೆ. ಚಿತ್ರದಲ್ಲಿ ಮಲಯಾಳಂ ನಟ ಅಮ್ಜತ್‌ ಕೂಡಾ ವಿಲನ್‌ ಆಗಿ ನಟಿಸುತ್ತಿದ್ದು, ಸದ್ಯ ಅವರಿಬ್ಬರ ನಡುವಿನ ಫೈಟ್‌ ಸೀನ್‌ಗಳನ್ನು ಚಿತ್ರೀಕರಿಸಲಾಗಿದೆ.

ಕನ್ನಡ ಗೊತ್ತಿಲ್ಲದ ಡ್ಯಾನಿ ನಿರ್ದೇಶಕರ ಕಾನ್ಸೆಪ್ಟ್ ಅನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳುವ ಜೊತೆಗೆ ಸಂಭಾಷಣೆಗಳನ್ನು ಕೂಡಾ ಅರ್ಥೈಸಿಕೊಂಡು ಹೇಳುತ್ತಾರಂತೆ. “ತಾರಕಾಸುರ’ದಲ್ಲಿ ವೈಭವ್‌ ನಾಯಕರಾಗಿ ನಟಿಸುತ್ತಿದ್ದು, ನರಸಿಂಹಲು ಈ ಸಿನಿಮಾದ ನಿರ್ಮಾಪಕರು.