“ಕುಮಾರನ ಅವತಾರ’ದಲ್ಲಿ ಶ್ರೀನಗರ ಕಿಟ್ಟಿ!

ನಿರ್ದೇಶಕ ಸಿಂಪಲ್‌ ಸುನಿ ಸದ್ಯ ಸ್ಯಾಂಡಲ್‌ವುಡ್‌ನಲ್ಲಿ ಹಲವು ಚಿತ್ರಗಳನ್ನು ನಿರ್ದೇಶಿಸುತ್ತಿದ್ದು, ಶರಣ್‌ಗೆ‌  “ಅವತಾರ್‌ ಪುರುಷ’ ಚಿತ್ರ ಮಾಡುತ್ತಿರೋದು ಗೊತ್ತೇ ಇದೆ. ಅಲ್ಲದೇ ಲಾಕ್‌ಡೌನ್‌ ಎಫೆಕ್ಟ್‌ನಿಂದ ಚಿತ್ರದ ಹಾಡು ಮತ್ತು ಫೈಟ್ಸ್ ಬಾಕಿ ಇದ್ದು, ತುಂಬಾ ಗ್ಯಾಪ್‌ನ ನಂತರ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ ಗೆಸ್ಟ್‌ ಅಪಿಯರೆನ್ಸ್‌ ಆಗಿ ಅಭಿನಯಿಸಿರುವುದು ಕೂಡಾ‌ ಹಳೆಯ ವಿಚಾರ.

ಈ ನಡುವೆ ಚಿತ್ರದ ನಿರ್ದೇಶಕ ಸುನಿ ಚಿತ್ರದಲ್ಲಿ ಕುಮಾರನ ಅವತಾರದಲ್ಲಿ ನಟಿಸುತ್ತಿರುವ  ಶ್ರೀನಗರ ಕಿಟ್ಟಿ ಬಗ್ಗೆ, ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ವೊಂದನ್ನು ಹಂಚಿಕೊಂಡಿದ್ದಾರೆ. ಹೌದು! ಇಂದು ಶ್ರೀನಗರ ಕಿಟ್ಟಿ‌ ಹುಟ್ಟುಹಬ್ಬದ ಪ್ರಯುಕ್ತ, “ಫ್ಯಾನ್ಸ್ ಗಳೆಲ್ಲರನ್ನೂ ಸ್ನೇಹಿತರನ್ನಾಗಿ ಕಾಣುವ ಹೃದಯವಂತಿಕೆ ನಟ.. ಸ್ನೇಹಜೀವಿ “ಇಂತಿ ನಮ್ಮೆಲ್ಲರ ಪ್ರೀತಿಯ” ಶ್ರೀನಗರ ಕಿಟ್ಟಿರವರಿಗೆ ಹುಟ್ಟುಹಬ್ಬದ ಶುಭಾಶಯಗಳು .. ‘ ಎಂದು ಸುನಿ ಚಿತ್ರದ ಪೋಸ್ಟರ್‌ವೊಂದನ್ನು ಹಂಚಿಕೊಂಡಿದ್ದು, ಶುಭಾಶಯವನ್ನು ಕೋರಿದ್ದಾರೆ.

ಇನ್ನು ಶ್ರೀನಗರ ಕಿಟ್ಟಿ ಇಡೀ ಚಿತ್ರಕ್ಕೆ ಟ್ವಿಸ್ಟ್‌ ಕೊಡುವ ಪ್ರಮುಖ ಪಾತ್ರ ಮಾಡುತ್ತಿದ್ದು, ಬ್ಲ್ಯಾಕ್‌ ಮ್ಯಾಜಿಷಿಯನ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಅಲ್ಲದೇ ನೈಜ ಘಟನೆಗಳನ್ನು ಬೆರೆಸಿ ಅವರ ಪಾತ್ರವನ್ನು ಸೃಷ್ಟಿಸಲಾಗಿದ್ದು, ಪುಷ್ಕರ್‌ ಫಿಲಂಸ್‌ನಡಿ ಈ ಚಿತ್ರ ನಿರ್ಮಾಣವಾಗುತ್ತಿದೆ. ಹಾಗೂ ಪ್ರಜ್ವಲ್‌ ದೇವರಾಜ್‌ ಅಭಿನಯದ “ವೀರಂ’ ಚಿತ್ರದಲ್ಲಿಯೂ ಕಿಟ್ಟಿ ಅವರು ಹಿಂದೆಂದೂ ಕಾಣದಂತ ರಾ ಪಾತ್ರ ಮಾಡುತ್ತಿದ್ದು, ನೆಗೆಟಿವ್‌ ಶೇಡ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.