ಪೇಜಾವರ ಶ್ರೀಗಳಿಗೆ ಸಣ್ಣ ಗಾಯ

ಉಡುಪಿ: ಪರ್ಯಾಯ ಶ್ರೀ ಪೇಜಾವರ ಮಠದ ಶ್ರೀ ವಿಶ್ವೇಶ ತೀರ್ಥ ಶ್ರೀಪಾದರು ಬುಧವಾರ ಗರ್ಭಗುಡಿಯಲ್ಲಿ ಕಾಲು ಜಾರಿ ಬಿದ್ದ ಪರಿಣಾಮ ಭುಜಕ್ಕೆ ಸ್ವಲ್ಪ ಗಾಯವಾದರೂ ಎಂದಿನಂತೆ ಮಧ್ಯಾಹ್ನ ಮತ್ತು ರಾತ್ರಿಯ ಪೂಜೆಗಳನ್ನು ಪೂರೈಸಿದರು. ಬೆಳಗ್ಗೆ ಲಕ್ಷತುಳಸಿ ಅರ್ಚನೆ ಇತ್ತು. ಅರ್ಧಾಂಶ ಪೂಜೆಯನ್ನು ಕಿರಿಯ ಶ್ರೀಗಳು ನೆರವೇರಿಸಿದರೆ ಮಿಕ್ಕರ್ಧ ಪೂಜೆಯನ್ನು ಹಿರಿಯ ಶ್ರೀಗಳು ನೆರವೇರಿಸಲು ಹೋಗುವಾಗ ದಾರಿಯಲ್ಲಿ ಬಿದ್ದ ಎಣ್ಣೆ ಜಿಡ್ಡಿನಿಂದ ಆಯತಪ್ಪಿ ಬಿದ್ದರು. ಭುಜಕ್ಕೆ ಸ್ವಲ್ಪ ಗಾಯವಾಯಿತು. ವೈದ್ಯರು ಬಂದು ಚಿಕಿತ್ಸೆ ನೀಡಿ ವಿಶ್ರಾಂತಿ ತೆಗೆದುಕೊಳ್ಳಲು ಹೇಳಿದ್ದಾರೆ. ಎಂದಿನಂತೆ ವಿಶ್ರಾಂತಿ ತೆಗೆದುಕೊಂಡ ಶ್ರೀಗಳು ಬಳಿಕ ವಿದ್ಯಾರ್ಥಿಗಳಿಗೆ ಪಾಠ, ಭಕ್ತರಿಗೆ ಪ್ರಸಾದ ವಿತರಣೆ ಮಾಡಿದರು. ಈ ನಡುವೆ ತಮ್ಮನ್ನು ಭೇಟಿ ಮಾಡಲು ಬಂದ ಪತ್ರಕರ್ತರಿಗೆ ಸಂದರ್ಶನವನ್ನೂ ನೀಡಿದರು.