ಇಂದಿನಿಂದ ಶ್ರೀಲಂಕಾ-ಪಾಕಿಸ್ಥಾನ ಟೆಸ್ಟ್‌ ಸರಣಿ

ಕೊಲಂಬೊ: ಇತ್ತೀಚೆಗಷ್ಟೇ ಪ್ರವಾಸಿ ಆಸ್ಟ್ರೇಲಿಯ ಎದುರಿನ ಕ್ರಿಕೆಟ್‌ ಸರಣಿಯನ್ನು ಯಶಸ್ವಿಯಾಗಿ ಮುಗಿಸಿದ ಶ್ರೀಲಂಕಾ, ಇನ್ನು ಪಾಕಿಸ್ಥಾನದ ಸವಾಲಿಗೆ ಸಜ್ಜಾಗಲಿದೆ.

ಇತ್ತಂಡಗಳ ನಡುವಿನ 2 ಪಂದ್ಯಗಳ ಟೆಸ್ಟ್‌ ಸರಣಿ ಶನಿವಾರ ಗಾಲೆಯಲ್ಲಿ ಆರಂಭವಾಗಲಿದೆ (ಜು. 16-20). ದ್ವಿತೀಯ ಟೆಸ್ಟ್‌ ತಾಣ ಕೊಲಂಬೊ (ಜು. 24-28).

ಟೆಸ್ಟ್‌ ಸರಣಿಗಾಗಿ ಶ್ರೀಲಂಕಾ ತಂಡ ಪ್ರಕಟಗೊಂಡಿದೆ. ಆಸ್ಟ್ರೇಲಿಯ ವಿರುದ್ಧ 1-1 ಡ್ರಾ ಸಾಧಿಸಲಾದ ತಂಡದಲ್ಲಿದ್ದ ಪ್ರವೀಣ್‌ ಜಯವಿಕ್ರಮ, ಲಸಿತ್‌ ಎಂಬುಲೆªàನಿಯ, ಲಕ್ಷಿತ ಮನಸಿಂಘೆ ಮತ್ತು ಚಮಿಕ ಕರುಣಾರತ್ನೆ ಅವರನ್ನು ಕೈಬಿಡಲಾಗಿದೆ.

ಪಾಕಿಸ್ಥಾನ ತಂಡ ಈಗಾಗಲೇ ಶ್ರೀಲಂಕಾ ಕ್ರಿಕೆಟ್‌ ಇಲೆವೆನ್‌ ವಿರುದ್ಧ 3 ದಿನಗಳ ಅಭ್ಯಾಸ ಪಂದ್ಯವನ್ನು ಆಡಿದ್ದು, ಇದು ಡ್ರಾಗೊಂಡಿದೆ.

ಶ್ರೀಲಂಕಾ ತಂಡ: ದಿಮುತ್‌ ಕರುಣಾರತ್ನೆ (ನಾಯಕ), ಪಥುಮ್‌ ನಿಸ್ಸಂಕ, ಒಶಾದ ಫೆರ್ನಾಂಡೊ, ಏಂಜೆಲೊ ಮ್ಯಾಥ್ಯೂಸ್‌, ಕುಸಲ್‌ ಮೆಂಡಿಸ್‌, ಧನಂಜಯ ಡಿ ಸಿಲ್ವ, ಕಮಿಂಡು ಮೆಂಡಿಸ್‌, ನಿರೋಷನ್‌ ಡಿಕ್ವೆಲ್ಲ, ದಿನೇಶ್‌ ಚಂಡಿಮಾಲ್‌, ರಮೇಶ್‌ ಮೆಂಡಿಸ್‌, ಮಹೀಶ್‌ ತೀಕ್ಷಣ, ಕಸುನ್‌ ರಜಿತ, ವಿಶ್ವ ಫೆರ್ನಾಂಡೊ, ಅಸಿತ ಫೆರ್ನಾಂಡೊ, ದಿಲ್ಶನ್‌ ಮದುಶಂಕ, ಪ್ರಭಾತ್‌ ಜಯಸೂರ್ಯ, ದುನಿತ್‌ ವೆಲ್ಲಲಗೆ, ಜೆಫ್ರಿ ವಾಂಡರ್ಸೆ.