ಗಾಲೆ: ಸ್ಪಿನ್ನರ್‌ ರಮೇಶ್‌ ಮೆಂಡಿಸ್‌ ದಾಳಿಗೆ ತೀವ್ರ ಕುಸಿತ ಅನುಭವಿಸಿರುವ ವೆಸ್ಟ್‌ ಇಂಡೀಸ್‌, ಗಾಲೆ ಟೆಸ್ಟ್‌ ಪಂದ್ಯದಲ್ಲಿ ಸೋಲಿನತ್ತ ಮುಖ ಮಾಡಿದೆ. 348 ರನ್‌ ಟಾರ್ಗೆಟ್‌ ಪಡೆದಿರುವ ಕೆರಿಬಿಯನ್‌ ಪಡೆ 4ನೇ ದಿನದ ಅಂತ್ಯಕ್ಕೆ 52 ರನ್‌ ಮಾಡುವಷ್ಟರಲ್ಲಿ 6 ವಿಕೆಟ್‌ ಉದುರಿ ಸಿಕೊಂಡಿದೆ. ಮೆಂಡಿಸ್‌ 17 ರನ್ನಿಗೆ 4 ವಿಕೆಟ್‌ ಹಾರಿಸಿದರು.
ಶ್ರೀಲಂಕಾದ 386 ರನ್ನುಗಳ ಮೊದಲ ಇನ್ನಿಂಗ್ಸಿಗೆ ಉತ್ತರವಾಗಿ ವೆಸ್ಟ್‌ ಇಂಡೀಸ್‌ 230ಕ್ಕೆ ಆಲೌಟ್‌ ಆಯಿತು. 156 ರನ್ನುಗಳ ಭರ್ಜರಿ ಲೀಡ್‌ ಬಳಿಕ ದ್ವಿತೀಯ ಇನ್ನಿಂಗ್ಸ್‌ ಆರಂಭಿಸಿದ ಲಂಕಾ 4 ವಿಕೆಟಿಗೆ 191 ರನ್‌ ಗಳಿಸಿ ಇನ್ನಿಂಗ್ಸ್‌ ಡಿಕ್ಲೇರ್‌ ಮಾಡಿತು. ಮತ್ತೆ ಬ್ಯಾಟಿಂಗ್‌ನಲ್ಲಿ ಮಿಂಚಿದ ನಾಯಕ ದಿಮುತ್‌ ಕರುಣಾರತ್ನೆ 83, ಏಂಜೆಲೊ ಮ್ಯಾಥ್ಯೂಸ್‌ ಔಟಾಗದೆ 69 ರನ್‌ ಹೊಡೆದರು.
ಇದನ್ನೂ ಓದಿ:ಕನ್ನಡದಲ್ಲಿ ವೃತ್ತಿಪರ ಕೋರ್ಸ್‌ಗಳ ಪಠ್ಯ ರಚನೆ ಅಗತ್ಯ : ಆರಗ ಜ್ಞಾನೇಂದ್ರ
ಗುರುವಾರ ಪಂದ್ಯದ ಅಂತಿಮ ದಿನವಾಗಿದ್ದು, ಶ್ರೀಲಂಕಾದ ಗೆಲುವು ಖಾತ್ರಿಯಾಗಿದೆ.
ಸಂಕ್ಷಿಪ್ತ ಸ್ಕೋರ್‌: ಲಂಕಾ-386 ಮತ್ತು 4 ವಿಕೆಟಿಗೆ 191 ಡಿಕ್ಲೇರ್‌. ವೆಸ್ಟ್‌ ಇಂಡೀಸ್‌-230 ಮತ್ತು 6 ವಿಕೆಟಿಗೆ 52.
