ನಾಡಿಗೆ ಬಂದ ಚುಕ್ಕೆ ಜಿಂಕೆ

ಹಳಿಯಾಳ: ಚುಕ್ಕೆ ಜಿಂಕೆಯೊಂದು ಸೋಮವಾರ ಸಂಜೆ ಪಟ್ಟಣದ ಗುಡ್ನಾಪೂರ ಆಶ್ರಯ ಬಡಾವಣೆಯ ಮನೆಗೆ ಬಂದು ಜನರ ಆಕರ್ಷಣೆಯ ಕೇಂದ್ರಬಿಂದುವಾಗಿತ್ತು.

ಗುಡ್ನಾಪೂರ ದೇಶಪಾಂಡೆ ಆಶ್ರಯ ಬಡಾವಣೆಯಲ್ಲಿ ವಾಸಿಸುವ ಗಣೇಶ ಗೋಸಪ್ಪನವರ ಮನೆಯ ಹಿತ್ತಲು ಬಾಗಿಲಿಂದ ಒಳಗೆ ಪ್ರವೇಶಿಸಿ ಒಂದು ಮೂಲೆಯಲ್ಲಿ ಕುಳಿತುಕೊಂಡಿತ್ತು. ಮನೆಯವರು ಇದನ್ನು ಕಂಡು ಹೌಹಾರಿದರಲ್ಲದೇ ತಕ್ಷಣ ಅಕ್ಕಪಕ್ಕದ ಜನರಿಗೆ ತಿಳಿಸಿ, ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದರು. ಅಷ್ಟರಲ್ಲಾಗಲೇ ನೂರಾರು ಜನ ಗಣೇಶ ಅವರ ಮನೆಗೆ ಆಗಮಿಸಿ ಜಿಂಕೆಯನ್ನು ಕಂಡು ಫೋಟೊಗಳನ್ನು ಕ್ಲಿಕ್ಕಿಸಿಕೊಂಡರು. ಅರಣ್ಯ ಇಲಾಖೆ ಸಿಬ್ಬಂದಿ ಜಿಂಕೆಯನ್ನು ವಶಕ್ಕೆ ಪಡೆದು ಹತ್ತಿರದ ಕಾಡಿಗೆ ಬಿಟ್ಟಿದ್ದಾರೆ.