Advertisement
ಸಪ್ಟೆಂಬರ್‌ ಅಂತ್ಯದಲ್ಲಿ ಜಿಂಬಾಬ್ವೆ ವಿರುದ್ಧದ ಮೂರು ಪಂದ್ಯಗಳ ಸರಣಿ ನಡೆಯಲಿದೆ. ಆಬಳಿಕ ಪಾಕಿಸ್ಥಾನವು ದಕ್ಷಿಣ ಆಫ್ರಿಕಾಕ್ಕೆ ಆಗಮಿಸಲಿದೆ. ಸೂಪರ್‌ ನ್ಪೋರ್ಟ್ಸ್ ಪಾರ್ಕ್‌ನಲ್ಲಿ ಈ ಸರಣಿಯ ಮೊದಲ ಪಂದ್ಯ ನಡೆಯಲಿದೆ. ಡೇ ಆಫ್ ಗುಡ್‌ವಿಲ್‌ (ಡಿ. 26) ದಿನ ಮೊದಲ ಪಂದ್ಯ ಆರಂಭವಾಗಲಿದೆ. ದ್ವಿತೀಯ ಟೆಸ್ಟ್‌ ಪಿಪಿಸಿ ನ್ಯೂಲ್ಯಾಂಡ್ಸ್‌ನಲ್ಲಿ ಹೊಸ ವರ್ಷದಂದು ಆರಂಭವಾಗಲಿದ್ದರೆ ಮೂರನೇ ಟೆಸ್ಟ್‌ ವಾಂಡರರ್ನಲ್ಲಿ ನಡೆಯಲಿದೆ. ಆಬಳಿಕ ಐದು ಪಂದ್ಯಗಳ ಏಕದಿನ ಮತ್ತು ಮೂರು ಪಂದ್ಯಗಳ ಟಿ20 ಸರಣಿಯ ಪಂದ್ಯಗಳು ನಡೆಯಲಿವೆ.
ನಮ್ಮ ತವರಿನ ಋತುವಿನ ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಪೂರ್ಣ ವೇಳಾಪಟ್ಟಿಯನ್ನು ಪ್ರಕಟಿಸಲು ಹರ್ಷವಾಗುತ್ತಿದೆ ಎಂದು ಸಿಎಸ್‌ಎ ಪ್ರಭಾರ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ತಬಾಂಗ್‌ ಮೊರೊಯಿ ಹೇಳಿದ್ದಾರೆ. ಮೂರು ತಂಡಗಳ ಪ್ರವಾಸದ ಅವಧಿಯಲ್ಲಿ ನಾವು ಬ್ಯುಸಿಯಾಗಿ ಇರಲಿದ್ದೇವೆ. ವಿವಿಧ ಎದುರಾಳಿಗಳೆದುರು ನಮ್ಮ ತಂಡ 13 ಏಕದಿನ ಪಂದ್ಯಗಳ ಸಹಿತ ಹಲವು ಪಂದ್ಯ ಆಡಲಿದೆ. ಈ ಮೂಲಕ 2019ರ ಐಸಿಸಿ ವಿಶ್ವಕಪ್‌ಗೆ ಸಿದ್ಧಗೊಳ್ಳಲು ಪ್ರಯತ್ನಿಸಲಾಗುವುದು ಎಂದು ಅವರು ತಿಳಿಸಿದರು. ಮುಂದಿನ ವರ್ಷದ ಮೇ 30ರಿಂದ ಐಸಿಸಿ ವಿಶ್ವಕಪ್ ಆರಂಭವಾಗಲಿದೆ.