ಲಂಡನ್‌: ಬುಧವಾರ ಮೊದಲ್ಗೊಂಡ ದಕ್ಷಿಣ ಆಫ್ರಿಕಾ ಎದುರಿನ ಲಾರ್ಡ್ಸ್‌ ಟೆಸ್ಟ್‌ ಪಂದ್ಯದಲ್ಲಿ ಇಂಗ್ಲೆಂಡ್‌ ಬ್ಯಾಟಿಂಗ್‌ ಕುಸಿತ ಅನುಭವಿಸಿದೆ. ಮಳೆಯಿಂದಾಗಿ ದಿನದಾಟ ಕೇವಲ 32 ಓವರ್‌ಗಳಿಗೆ ಕೊನೆಗೊಂಡಾಗ ಆಂಗ್ಲರ ಪಡೆ 6 ವಿಕೆಟ್‌ ನಷ್ಟಕ್ಕೆ ಕೇವಲ 116 ರನ್‌ ಮಾಡಿತ್ತು.
61 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿರುವ ಓಲೀ ಪೋಪ್‌ ತಂಡದ ರಕ್ಷಣೆಗೆ ನಿಂತಿದ್ದಾರೆ.
ಎರಡಂಕೆಯ ಮೊತ್ತ ದಾಖಲಿಸಿದ ಮತ್ತೋರ್ವ ಆಟಗಾರನೆಂದರೆ ನಾಯಕ ಬೆನ್‌ ಸ್ಟೋಕ್ಸ್‌ (20).ಆ್ಯನ್ರಿಚ್‌ ನೋರ್ಜೆ 3, ಕಾಗಿಸೊ ರಬಾಡ 2 ವಿಕೆಟ್‌ ಉರುಳಿಸಿದರು.
ಬೆಲ್‌ ಹೊಡೆದ ಬೆಲ್‌!
ಗಂಟೆ ಬಾರಿಸುವ ಮೂಲಕ ಟೆಸ್ಟ್‌ ಪಂದ್ಯದ ದಿನದಾಟದ ಆರಂಭವನ್ನು ಸಾರುವುದು ಲಾರ್ಡ್ಸ್‌ ಸಂಪ್ರದಾಯ. ಇಂಗ್ಲೆಂಡ್‌-ದಕ್ಷಿಣ ಆಫ್ರಿಕಾ ನಡುವೆ ಬುಧವಾರದ ಮೊದಲ ದಿನದಾಟಕ್ಕೂ ಮುನ್ನ ಇಂಗ್ಲೆಂಡ್‌ನ ಮಾಜಿ ಆಟಗಾರ ಇಯಾನ್‌ ಬೆಲ್‌, ಬೆಲ್‌ ಬಾರಿಸುವ ಅವಕಾಶ ಪಡೆದರು.
