31 ಎಸೆತಗಳಲ್ಲಿ  ಶತಕ ಸಿಡಿಸಿದ ಡ್ವೇನ್‌ ಸ್ಮಿತ್‌

ಹಾಂಕಾಂಗ್‌: ಕಳೆದ ವಾರವಷ್ಟೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯಾಗಿದ್ದ ವೆಸ್ಟ್‌ಇಂಡೀಸ್‌ನ ಡ್ವೇನ್‌ ಸ್ಮಿತ್‌ ಅವರು ಹಾಂಕಾಂಗ್‌ನಲ್ಲಿ ನಡೆಯುತ್ತಿರುವ ಟ್ವೆಂಟಿ-20 ಕೂಟದಲ್ಲಿ ಸ್ಫೋಟಕ ಶತಕ ದಾಖಲಿಸಿದ್ದಾರೆ. 

ಮೊದಲ ಓವರಿನಲ್ಲಿ 28 ರನ್‌ ಸಿಡಿಸಿದ್ದ ಸ್ಮಿತ್‌ ಕೇವಲ 31 ಎಸೆಗಳಲ್ಲಿ ಶತಕ ಸಿಡಿಸಿ ಗಮನ ಸೆಳೆದಿದ್ದಾರೆ. ಇದು ಟ್ವೆಂಟಿ-20 ಕ್ರಿಕೆಟ್‌ನಲ್ಲಿ ದಾಖಲಾದ ಅತೀ ವೇಗದ ಶತಕಗಳಲ್ಲಿ ಒಂದಾಗಿದೆ. 33ರ ಹರೆಯದ ಸ್ಮಿತ್‌ ಅಂತಿಮವಾಗಿ 40 ಎಸೆತಗಳಿಂದ 121 ರನ್‌ ಸಿಡಿಸಿ ಅಜೇಯರಾಗಿ ಉಳಿದಿದ್ದರು. 2013ರ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನಲ್ಲಿ ಕೇವಲ 30 ಎಸೆತಗಳಲ್ಲಿ ಕ್ರಿಸ್‌ ಗೇಲ್‌ ಶತಕ ಸಿಡಿಸಿ ವಿಶ್ವದಾಖಲೆ ಸ್ಥಾಪಿಸಿದ್ದರು.