IAF ವಾಯುದಾಳಿ: ಪಂಜಾಬಿನ ಆರು ಗಡಿ ಜಿಲ್ಲೆಗಳಲ್ಲಿ ಕಟ್ಟೆಚ್ಚರ ಘೋಷಣೆ

ಚಂಡೀಗಢ : ಭಾರತೀಯ ವಾಯು ಪಡೆ ಪಾಕಿಸ್ಥಾನದ ಮೇಲೆ ವೈಮಾನಿಕ ದಾಳಿ ನಡೆಸಿರುವುದನ್ನು ಅನುಸರಿಸಿ ಇದೀಗ ಪಂಜಾಬ್‌ ನ ಆರು ಗಡಿ ಜಿಲ್ಲೆಗಳಲ್ಲಿ ಕಟ್ಟೆಚ್ಚರ ಘೋಷಿಸಲಾಗಿದೆ. 

ಕಟ್ಟೆಚ್ಚರ ಘೋಷಿಸಲಾಗಿರುವ ಆರು ಜಿಲ್ಲೆಗಳೆಂದರೆ ಫಿರೋಜ್‌ಪುರ, ತರಣ್‌ ತಾರಣ್‌, ಅಮೃತಸರ, ಗುರುದಾಸ್‌ಪುರ, ಪಠಾಣ್‌ಕೋಟ್‌, ಫಾಜಿಲ್ಕಾ. 

ಪಂಜಾಬ್‌ ಮುಖ್ಯಮಂತ್ರಿ ಅಮರೀಂದರ್‌ ಸಿಂಗ್‌ ಅಧ್ಯಕ್ಷತೆಯಲ್ಲಿ ನಡೆದ ಉನ್ನತ ಮಟ್ಟದ ಸಭೆಯಲ್ಲಿ ರಾಜ್ಯದಲ್ಲಿನ ಕಾನೂನು ಮತ್ತು ಸುವ್ಯವಸ್ಥೆಯ ಪರಿಸ್ಥಿತಿಯನ್ನು ಅಲೋಕಿಸಲಾಯಿತು.

ಪಾಕ್‌ ಮೇಲಿನ ವಾಯು ದಾಳಿಗೆ ಪ್ರತಿದಾಳಿ ನಡೆಯಬಹುದೆಂಬ ಲೆಕ್ಕಾಚಾರದಲ್ಲಿ ರಾಜ್ಯದ ಆರು ಗಡಿ ಜಿಲ್ಲೆಗಳಲ್ಲಿ ಯಾವುದೇ ಸಂಭಾವ್ಯ ವಿಷಮ ಪರಿಸ್ಥಿತಿಯನ್ನು ನಿಭಾಯಿಸಲು ಕಟ್ಟೆಚ್ಚರ ಘೋಷಿಸಲಾಯಿತು ಎಂದು ವರದಿಗಳು ತಿಳಿಸಿವೆ.