‘ಸಿರಿ ಲಂಬೋದರ ವಿವಾಹ’ ಸೆಟ್ಟೇರಿತು ಹೊಸಬರ ಚಿತ್ರ

“ಸಿರಿ ಲಂಬೋದರ ವಿವಾಹ’- ಹೀಗೊಂದು ಶೀರ್ಷಿಕೆಯ ಚಿತ್ರ ಶನಿವಾರ ಸೆಟ್ಟೇರಿದೆ. ಅಂದಹಾಗೆ, ನೀವು “ಎಸ್‌ಎಲ್‌ವಿ’ ಎಂದು ಕರೆಯಬಹುದು. ಈ ಚಿತ್ರವನ್ನು ಸೌರಭ ಕುಲಕರ್ಣಿ ನಿರ್ದೇಶಿಸುತ್ತಿದ್ದಾರೆ.

ನಟ, ನಿರೂಪಕರಾಗಿ ಗುರುತಿಸಿಕೊಂಡಿದ್ದ ಸೌರಭ್‌ ಈಗ “ಸಿರಿ ಲಂಬೋದರ ವಿವಾಹ’ ಮೂಲಕ ಸಿನಿಮಾ ನಿರ್ದೇಶನಕ್ಕೆ ಬಂದಿದ್ದಾರೆ. ಇನ್ನು, ಸಾಕಷ್ಟು ಕಿರುಚಿತ್ರಗಳನ್ನು ನಿರ್ಮಿಸಿರುವ ನಮ್ಮನೆ ಪ್ರೊಡಕ್ಷನ್ಸ್‌ ತಂಡ ಈ “ಸಿರಿ ಲಂಬೋದರ ವಿವಾಹ’ದ ಬೆನ್ನೆಲುಬು.

ಈಗಾಗಲೇ ರಂಗಭೂಮಿ ಹಾಗೂ ಅನೇಕ ಧಾರಾವಾಹಿಗಳಲ್ಲಿ ನಟಿಸಿರುವ ಅಂಜನ್‌ ಎ ಭಾರದ್ವಾಜ್‌ ಈ ಚಿತ್ರದ ನಾಯಕ. ಈ ಚಿತ್ರಕ್ಕೆ ಮಂಡ್ಯ ರಮೇಶ್‌ ಪುತ್ರಿ ದಿಶಾ ರಮೇಶ್‌ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಉಳಿದಂತೆ ಚಿತ್ರದಲ್ಲಿ ರಾಜೇಶ್‌ ನಟರಂಗ, ಸುಂದರ್‌, ಬಲರಾಜವಾಡಿ, ರೋಹಿತ್‌, ಪಿ.ಡಿ.ಸತೀಶ್‌ ಸೇರಿದಂತೆ ಅನೇಕರು ನಟಿಸುತ್ತಿದ್ದಾರೆ.

ಸಂಘರ್ಷ್‌ ಕುಮಾರ್‌ ಸಂಗೀತ, ಕಿಟ್ಟಿಕೌಶಿಕ್‌ ಛಾಯಾಗ್ರಹಣವಿದೆ. ಈ ಚಿತ್ರವನ್ನು ವಸ್ಯಾಟೋ ವೆಂಚರ್, ಪವಮಾನ ಕ್ರಿಯೇಶನ್ಸ್‌, ಧೂಪದ ದೃಶ್ಯ ಸಂಸ್ಥೆ ನಿರ್ಮಿಸುತ್ತಿದೆ.