Advertisement
34 ವರ್ಷದ ಸಚಿನ್‌ ಖೀಲಾರಿ ಅವರದು 16.32 ಮೀಟರ್‌ಗಳ ಸಾಧನೆ ಯಾಗಿತ್ತು. ಇದು ಏಷ್ಯನ್‌ ದಾಖಲೆ ಜತೆಗೆ ಅವರ ಜೀವನಶ್ರೇಷ್ಠ ನಿರ್ವ ಹಣೆಯೂ ಆಗಿತ್ತು. ಅವರು ದ್ವಿತೀಯ ಸುತ್ತಿನಲ್ಲೇ ಈ ದೂರ ದಾಖಲಿಸಿದರು. ಹಿಂದಿನ ಏಷ್ಯನ್‌ ದಾಖಲೆ 16.30 ಮೀ. ಆಗಿತ್ತು. ಇದನ್ನು ಸ್ವತಃ ಖೀಲಾರಿ ಅವರೇ 2023ರ ಕೋಬೆ ವಿಶ್ವ ಪ್ಯಾರಾ ಆ್ಯತ್ಲೆಟಿಕ್ಸ್‌ನಲ್ಲಿ ದಾಖಲಿಸಿದ್ದರು.
ಪವರ್‌ ಲಿಫ್ಟಿಂಗ್‌ನ 45 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಕರ್ನಾಟಕದ ಸಕೀನಾ ಖಾತುನ್‌ ಸೋಲನು ಭವಿಸಿ ದರು. ಬುಧವಾರ ನಡೆದ ಫೈನಲ್‌ನಲ್ಲಿ 7ನೇ ಸ್ಥಾನಿಯಾದರು. ಸಕೀನಾ ಈ ಸ್ಪರ್ಧೆಯಲ್ಲಿ 86 ಕೆಜಿ ತೂಕ ಎತ್ತಿದರು. 123 ಕೆಜಿ ಸಾಧನೆಯೊಂದಿಗೆ ವಿಶ್ವ ದಾಖಲೆ ನಿರ್ಮಿಸಿದ ಚೀನದ ಗುವೋ ಚಿನ್ನ ಗೆದ್ದರು.
ಪುರುಷರ ಪ್ಯಾರಾ ಸೈಕ್ಲಿಂಗ್‌ ರೋಡ್‌ ಸಿ2 ವೈಯಕ್ತಿಕ ಟೈಮ್‌ ಟ್ರಯಲ್‌ನಲ್ಲಿ 11ನೇ ಸ್ಥಾನ ಪಡೆಯುವ ಮೂಲಕ ಶೇಖ್‌ ಅರ್ಷದ್‌ ನಿರಾಸೆ ಅನುಭವಿಸಿದರು. ಮಹಿಳೆಯರ ಸಿ1-3 ವೈಯಕ್ತಿಕ ಟೈಮ್‌ ಟ್ರಯಲ್‌ ವಿಭಾಗದಲ್ಲಿ ಜ್ಯೋತಿ ಗದೆರಿಯಾ 16ನೇ ಸ್ಥಾನ ಪಡೆದು ಹೊರಬಿದ್ದರು.