ರಾಷ್ಟ್ರೀಯ ಮಹಿಳಾ ಆಯೋಗ ಸದಸ್ಯೆಯಾಗಿ ಶ್ಯಾಮಲಾ ಕುಂದರ್‌ ನೇಮಕ

ಉಡುಪಿ: ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆಯಾಗಿ ಉಡುಪಿಯ ಬಿಜೆಪಿ ನಾಯಕಿ ಶ್ಯಾಮಲಾ ಕುಂದರ್‌ ನೇಮಕಗೊಂಡಿದ್ದಾರೆ. ಅವರು ಬಿಜೆಪಿಯಲ್ಲಿ ತಳಮಟ್ಟದಿಂದ ವಿವಿಧ ಜವಾಬ್ದಾರಿಗಳನ್ನು ನಿರ್ವ ಹಿಸಿದವರು. 

ಬಿಜೆಪಿ ಹಿಂದುಳಿದ ವರ್ಗದ ನಾಯಕಿಯಾಗಿ ಕರ್ತವ್ಯ ನಿರ್ವಹಿಸಿದ ಅವರು ರಾಜ್ಯ ಸ್ತರದಲ್ಲಿಯೂ ಜವಾಬ್ದಾರಿ ವಹಿಸಿದ ಅನುಭವ ಹೊಂದಿದ್ದಾರೆ. ಅಧ್ಯಕ್ಷರೂ ಸಹಿತ ಆಯೋಗದಲ್ಲಿ ಐವರು ಸದಸ್ಯರಿರುತ್ತಾರೆ. ಅಧಿಕಾರ ಸ್ವೀಕರಿಸಲು ಗುರುವಾರ ಕುಂದರ್‌ ದಿಲ್ಲಿಗೆ ತೆರಳುವರು.