ಶೃಂಗೇರಿ ತಾಲೂಕಲ್ಲಿ ಪುನರ್ವಸು ಮಳೆ ಬಿರುಸು

ಶೃಂಗೇರಿ: ತಾಲೂಕಿನಾದ್ಯಾಂತ ಭಾನುವಾರ ಮಳೆ ಹೆಚ್ಚಳವಾಗಿದ್ದು,ಆರಿದ್ರಾ ಮಳೆಯ ನಂತರ ಆರಂಭವಾಗಿರುವ ಪುನರ್ವಸು ಮಳೆ ಬಿರುಸಾಗಿ ಆರಂಭಗೊಂಡಿದೆ.

ಮಳೆ ಆರಂಭವಾದ ನಂತರ ಇದೀಗ ರಭಸವಾದ ಮಳೆ ಸುರಿಯುತ್ತಿದ್ದು, ಸತತ ಮಳೆಯಿಂದ ತುಂಗಾ ನದಿಯ ನೀರಿನ ಮಟ್ಟ ಏರಿಕೆಯಾಗಿದೆ. ತುಂಗಾ ನದಿಯ ಜಲಾನಯನ ಪಾತ್ರದಲ್ಲಿ ಹೆಚ್ಚಿನ ಮಳೆ ಸುರಿಯುತ್ತಿದೆ. ಕೆರೆಕಟ್ಟೆ, ವಳಲೆ ಮಾವಿನಕಾಡು, ಬಕುಡಿಬೈಲು, ಕಿಗ್ಗಾ, ಸಿರಿಮನೆ, ಬೇಗಾರು ಮುಂತಾದೆಡೆ ಸತತವಾಗಿ ಮಳೆ ಸುರಿಯುತ್ತಿದೆ. ಭಾನುವಾರ ಸಂಜೆ ವೇಳೆ ಮಳೆ ಮತ್ತಷ್ಟು ಬಿರುಸಾಗಿದೆ.