ಆರೋಗ್ಯ ಕೇಂದ್ರದಲ್ಲಿ ಶಾರ್ಟ್‌ ಸರ್ಕ್ಯೂಟ್‌:ರಾತ್ರಿ ಬಾಣಂತಿಯರ ಪರದಾಟ

ಬಳ್ಳಾರಿ: ಇಲ್ಲಿನ ಕೊಟ್ಟೂರಿನಲ್ಲಿರುವ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ  ಶನಿವಾರ ರಾತ್ರಿ ಹೆರಿಗೆ ಮತ್ತು ಮಕ್ಕಳ ವಿಭಾಗದ  ವಾರ್ಡ್‌ನಲ್ಲಿ ಶಾರ್ಟ್‌ ಸರ್ಕ್ಯೂಟ್‌ ಸಂಭವಿಸಿದ್ದು, ಅದೃಷ್ಟವಷಾತ್‌ ಯಾವುದೇ ಸಾವು-ನೋವು ಸಂಭವಿಸಿಲ್ಲ. 

ಫ್ಯಾನ್‌ಗಳಲ್ಲಿ ಬೆಂಕಿ ಯ ಕಿಡಿ ಕಾಣಿಸಿಕೊಳ್ಳುತ್ತಿದ್ದಂತೆ ಆತಂಕಗೊಂಡ ಬಾಣಂತಿಯರು , ಹಸುಗೂಸುಗಳನ್ನು ಹಿಡಿದು ಪೋಷಕರು ಹೊರಗೆ ಓಡಿ ಬಂದಿದ್ದಾರೆ. 

ರಾತ್ರಿಯೀಡಿ ಆಸ್ಪತ್ರೆಯ ಆವರಣಗಳಲ್ಲೇ ಬಾಣಂತಿಯರು ಹಸುಗೂಸುಗಳೊಂದಿಗೆ ನಿದ್ದೆಯಿಲ್ಲದೆ ಪರದಾಡುವ ಸ್ಥಿತಿ ಬಂದೊದಗಿತು. 

ಆಸ್ಪತ್ರೆಯ ಅವ್ಯವಸ್ಥೆಯ ವಿರುದ್ದ ಮಹಿಳೆಯರು ತೀವ್ರ ಆಕ್ರೋಶ ಹೊರ ಹಾಕಿದ್ದಾರೆ.