Women’s Hockey: ಮಲೇಷ್ಯಾ ವಿರುದ್ಧ ಭಾರತಕ್ಕೆ 4-0 ಜಯ

ರಾಜ್‌ಗಿರ್‌ (ಬಿಹಾರ): ಹಾಲಿ ಚಾಂಪಿಯನ್‌ ಭಾರತ, ವನಿತಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಪಂದ್ಯಾವಳಿಯಲ್ಲಿ ಭರ್ಜರಿ ಆರಂಭ ಪಡೆದಿದೆ. ಸೋಮವಾರದ ಮುಖಾಮುಖಿಯಲ್ಲಿ ಮಲೇಷ್ಯಾವನ್ನು 4-0 ಅಂತರದಿಂದ ಮಣಿಸಿದೆ.

ಸಂಗೀತಾ ಕುಮಾರಿ (8ನೇ ಹಾಗೂ 55ನೇ ನಿಮಿಷ), ಪ್ರೀತಿ ದುಬೆ (43ನೇ ನಿಮಿಷ) ಹಾಗೂ ಉದಿತಾ (44ನೇ ನಿಮಿಷ) ಗೋಲು ಸಿಡಿಸಿದರು. ಭಾರತ ಮಂಗಳವಾರ ಕೊರಿಯಾ ವಿರುದ್ಧ ಆಡಲಿದೆ.

ದಿನದ ಇನ್ನೊಂದು ಪಂದ್ಯದಲ್ಲಿ ಚೀನ 15-0 ಅಂತರದಿಂದ ಥಾಯ್ಲೆಂಡ್‌ಗೆ ಆಘಾತವಿಕ್ಕಿತು. ಜಪಾನ್‌-ಕೊರಿಯಾ ನಡುವಿನ ಪಂದ್ಯ 2-2ರಿಂದ ಡ್ರಾಗೊಂಡಿತು.