ಒಂದೇ ಓವರ್‌ಗೆ 6 ಸಿಕ್ಸರ್‌ ಸಿಡಿಸಿದ ಶಿವರಾಜ್‌

ಬೆಂಗಳೂರು: ಉದ್ಯಾನ ನಗರದಲ್ಲಿ ನಡೆದ ವೈಎಸ್‌ ರಾಮಸ್ವಾಮಿ ಮೆಮೋರಿಯಲ್‌ ಟೂರ್ನಿಯಲ್ಲಿ ಯಂಗ್‌ ಲಯನ್ಸ್‌ ಕ್ಲಬ್‌ ತಂಡದ ಶಿವಾರಾಜ್‌ ಒಂದೇ ಓವರ್‌ನಲ್ಲಿ 6 ಸಿಕ್ಸರ್‌ ಬಾರಿಸಿ ತಂಡದ ಗೆಲುವಿಗೆ ನೆರವಾಗಿದ್ದಾರೆ.

ಏಕದಿನ ಮಾದರಿಯ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಸಿಟಿ ಇಲೆವೆನ್‌ ಕ್ರಿಕೆಟ್‌ ಕ್ಲಬ್‌ ತಂಡ 42.5 ಓವರ್‌ಗೆ 180 ರನ್‌ ಬಾರಿಸಿ ಆಲೌಟ್‌ ಆಗಿತ್ತು. ಈ ಮೊತ್ತ ಬೆನ್ನುಹತ್ತಿದ ಯಂಗ್‌ ಲಯನ್ಸ್‌ ಕ್ಲಬ್‌ ತಂಡ 16.2 ಓವರ್‌ಗೆ 2 ವಿಕೆಟ್‌ ಕಳೆದುಕೊಂಡು 181 ರನ್‌ ಬಾರಿಸಿ ಗೆಲುವು ಸಾಧಿಸಿದೆ. ಶಿವರಾಜ್‌ ಅಜೇಯ 90 ರನ್‌ ಬಾರಿಸಿದ್ದಾರೆ.