ನಿತೀಶ್‌ ವಿರುದ್ಧ ಸೂಕ್ತ ಕ್ರಮ: ಶರದ್‌ ಬಣ ಎಚ್ಚರಿಕೆ

ಹೊಸದಿಲ್ಲಿ: ಬಿಹಾರದಲ್ಲಿ ಬಿಜೆಪಿ ಜತೆ ಸಖ್ಯ ಬೆಳೆಸಿದ ಜೆಡಿಯುವಿನ ನಿತೀಶ್‌ ಕುಮಾರ್‌ ಬಣದ ಅಸಾಂವಿಧಾನಿಕ ನಡೆ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಶರದ್‌ ಪವಾರ್‌ ಬಣ ಎಚ್ಚರಿಸಿದೆ. 

ಈ ಬಗ್ಗೆ ಮಾತನಾಡಿದ ಉಚ್ಚಾಟಿತ ಜೆಡಿಯು ಪ್ರಧಾನ ಕಾರ್ಯದರ್ಶಿ, ಶರದ್‌ ಆಪ್ತ ಜಾವೇದ್‌ ರಾಜಾ, ಶರದ್‌ ಪವಾರ್‌ ಬಣವೇ ನೈಜ ಜೆಡಿಯು. ಇದುವೇ ಪ್ರಮುಖ ಹುದ್ದೆಗಳನ್ನು ಹೊಂದಿದ್ದು, ಈ ಬಗ್ಗೆ ಚುನಾವಣಾ ಆಯೋಗಕ್ಕೆ ಅರ್ಜಿ ಸಲ್ಲಿಸಿ, ಚಿಹ್ನೆ ನಮಗೇ ಸಲ್ಲಬೇಕೆಂದು ಕೇಳಿಕೊಂಡಿದ್ದಾಗಿ ಹೇಳಿದರು. ಜತೆಗೆ, ಶರದ್‌ ಅವರು ಯಾವುದೇ ಪಕ್ಷ ವಿರೋಧಿ ಚಟುವಟಿಕೆಯಲ್ಲಿ ಭಾಗಿಯಾಗಿಲ್ಲ. ಅವರನ್ನು ಪಕ್ಷ ವಿರೋಧಿ ಎಂದು ಕರೆಯುವುದು, ಮಡಕೆ, ಪಾತ್ರೆ ಕಪ್ಪಾಗಿದೆ ಎಂದಂತೆ ಎಂದು ಲೇವಡಿ ಮಾಡಿದ್ದಾರೆ.