Advertisement
“ಐಸಿಸಿ ತಿಂಗಳ ಆಟಗಾರ”ರ ಯಾದಿಯನ್ನು ಅಲಂಕರಿಸಿದ ಮೊದಲ ವೆಸ್ಟ್‌ ಇಂಡೀಸ್‌ ಕ್ರಿಕೆಟಿಗನೆಂಬುದು ಶಮರ್‌ ಜೋಸೆಫ್ ಹಿರಿಮೆ. ಆಸ್ಟ್ರೇಲಿಯ ವಿರುದ್ಧದ ಟೆಸ್ಟ್‌ ಸರಣಿಯಲ್ಲಿ ಜೋಸೆಫ್ ಅಮೋಘ ಬೌಲಿಂಗ್‌ ಪ್ರದರ್ಶನ ನೀಡಿದ್ದರು. ಅಡಿಲೇಡ್‌ನ ಪದಾರ್ಪಣ ಟೆಸ್ಟ್‌ನಲ್ಲೇ 5 ವಿಕೆಟ್‌ ಉರುಳಿಸಿದ ಬಳಿಕ ಬ್ರಿಸ್ಬೇನ್‌ ಪಂದ್ಯದ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 7 ವಿಕೆಟ್‌ ಕಿತ್ತು ವೆಸ್ಟ್‌ ಇಂಡೀಸ್‌ಗೆ ಐತಿಹಾಸಿಕ ಗೆಲುವು ತಂದಿತ್ತಿದ್ದರು. ಅಂತಾರಾಷ್ಟ್ರೀಯ ಪಂದ್ಯದ ಮೊದಲ ಎಸೆತದಲ್ಲೇ ಸ್ಟೀವ್‌ ಸ್ಮಿತ್‌ ಅವರ ವಿಕೆಟ್‌ ಹಾರಿಸಿದ್ದು ಜೋಸೆಫ್ ಸಾಧನೆಯಾಗಿತ್ತು.
ಐರ್ಲೆಂಡ್‌ ವನಿತಾ ತಂಡದ ವಿಕೆಟ್‌ ಕೀಪರ್‌-ಬ್ಯಾಟರ್‌, 18 ವರ್ಷದ ಆ್ಯಮಿ ಹಂಟರ್‌ ಕೂಡ ಜಾಗತಿಕ ಕ್ರಿಕೆಟಿನ “ಯಂಗ್‌ ಟ್ಯಾಲೆಂಟ್‌” ಆಗಿದ್ದಾರೆ. ಜನವರಿಯಲ್ಲಿ ಜಿಂಬಾಬ್ವೆ ವಿರುದ್ಧ ಆಡಲಾದ ಹರಾರೆ ಟಿ20 ಪಂದ್ಯದಲ್ಲಿ 66 ಎಸೆತಗಳಿಂದ ಅಜೇಯ 101 ರನ್‌ ಬಾರಿಸಿದ್ದು ಇವರ ಅಮೋಘ ಸಾಧನೆ. ಉಳಿದೆರಡು ಪಂದ್ಯಗಳಲ್ಲಿ 77 ಮತ್ತು 42 ರನ್‌ ಹೊಡೆದು ಸರಣಿ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
Related Articles
Advertisement