ಶಾಲಿನಿಗೌಡ 2017ನೇ ಸಾಲಿನ “ಮಿಸ್‌ ಕರ್ನಾಟಕ’

ಬೆಂಗಳೂರು: ಇಂಡಿಯನ್‌ ಕ್ಲಾಸಿಕ್‌ ಆರ್ಟ್ಸ್(ಐಸಿಎ) ಮತ್ತು ಕೆಎಸ್‌ಐಸಿ ಮೈಸೂರು ಸಿಲ್ಕ್ಸ್ ಸಹಯೋಗದಲ್ಲಿ ಆಯೋಜಿಸಲಾಗಿದ್ದ “ಮಿಸ್‌ ಕರ್ನಾಟಕ-2017′ ಸೌಂದರ್ಯ ಪ್ರದರ್ಶನ ಸ್ಪರ್ಧೆಯಲ್ಲಿ ರಾಮನಗರದ ಶಾಲಿನಿಗೌಡ 2017ನೇ ಸಾಲಿನ “ಮಿಸ್‌ ಕರ್ನಾಟಕ’ ಆಗಿ ಹೊರಹೊಮ್ಮಿದ್ದಾರೆ.

ಸ್ತನ ಕ್ಯಾನ್ಸರ್‌ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ನಗರದ ಅಂಬೇಡ್ಕರ್‌ ಭವನದಲ್ಲಿ ಈ ಸೌಂದರ್ಯ ಸ್ಪರ್ಧೆ ಆಯೋಜಿಸಲಾಗಿತ್ತು.  ಸ್ಪರ್ಧೆಯಲ್ಲಿ ಶಾಲಿನಿಗೌಡ “ಮಿಸ್‌ ಕರ್ನಾಟಕ’ ಪ್ರಶಸ್ತಿಗೆ ಭಾಜನರಾದರು. ಮೊದಲ ರನ್ನರ್‌ ಅಪ್‌ ಆಗಿ ಹಾಸನದ ಅರ್ಚನಾ ಮೊಸಲೆ, 2ನೇ ರನ್ನರ್‌ ಅಪ್‌ ಪ್ರಶಸ್ತಿಗೆ ಬೆಂಗಳೂರಿನ ಬಿಂದ್ಯ ಹರೀಶ್‌ ಭಾಜನರಾದರು.  

ಅಲ್ಲದೆ, ಮಿಸ್‌ ಬ್ಯೂಟಿಫ‌ುಲ್‌ ಪ್ರಶಸ್ತಿಗೆ ಬೆಂಗಳೂರಿನ ಸೋನಿಖಾನ್‌, ಮಿಸ್‌ ಪರ್‌ಫೆಕ್ಷಿಯಲ್‌ ಆಗಿ ಅರ್ಚನ ಮೊಸಲೆ, ಮಿಸ್‌ ವೆಲ್‌ವುಮೆನ್‌ ಪ್ರಶಸ್ತಿಗೆ ಬಿಂದ್ಯ ಹರೀಶ್‌ ಮತ್ತು ಕೆಎಸ್‌ಐಸಿ ಮಿಸ್‌ ಕಾನ್ಫಿಡೆಂಟ್‌ ಪ್ರಶಸ್ತಿಗೆ ಲಾಸ್ಯ ನಾಗರಾಜ್‌ ಪಾತ್ರರಾದರು. ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದ ಹಜ್‌ ಮತ್ತು ನಗರಾಭಿವೃದ್ಧಿ ಸಚಿವ ರೋಷನ್‌ ಬೇಗ್‌, ಪಶುಸಂಗೋಪನಾ ಸಚಿವ ಎ.ಮಂಜು ಅವರನ್ನು ಸನ್ಮಾನಿಸಲಾಯಿತು. ಇಂಡಿಯನ್‌ ಕ್ಲಾಸಿಕ್‌ ಆರ್ಟ್ಸ್ನ ರೂಪಾ ಐಯ್ಯರ್‌ ಪಾಲ್ಗೊಂಡಿದ್ದರು.