ಲೋಕಸಭೆಗೆ ಸ್ಪರ್ಧಿಸುವೆ, ರಾಜಕೀಯ ಪಕ್ಷ ಸೇರೆನು: ಫೈಸಲ್‌

ಶ್ರೀನಗರ : ಮಾಜಿ ಐಎಎಸ್‌ ಅಧಿಕಾರಿ ಶಾ ಫೈಸಲ್‌ ತಾನು ಸದ್ಯಕ್ಕೆ  ಮುಖ್ಯ ವಾಹಿನಿಯ ಯಾವುದೇ ರಾಜಕೀಯ ಪಕ್ಷ ಸೇರುವುದಿಲ್ಲ ಅಥವಾ ಪ್ರತ್ಯೇಕತಾವಾದಿ ಹುರಿಯತ್‌ ಕಾನ್ಫರೆನ್ಸ್‌ ಕೂಡ ಸೇರುವುದಿಲ್ಲ; ಆದರೆ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಲು ಬಯಸಿದ್ದೇನೆ ಎಂದು ಹೇಳಿದ್ದಾರೆ. 

2010 ಬ್ಯಾಚಿನ ಐಎಎಸ್‌ ಅಧಿಕಾರಿಯಾಗಿದ್ದು ಈಚೆಗೆ ರಾಜೀನಾಮೆ ನೀಡಿ ಹೊರ ಬಂದು ಸುದ್ದಿ ಮಾಡಿರುವ ಫೈಸಲ್‌ ಅವರು ತಾನು ಪಾಕ್‌ ಪ್ರಧಾನಿ ಇಮ್ರಾನ್‌ ಖಾನ್‌ ಮತ್ತು ದಿಲ್ಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌ ಅವರ ರೀತಿಯ ರಾಜಕಾರಣದಿಂದ ಪ್ರಭಾವಿತನಾಗಿದ್ದೇನೆ; ಆದರೆ ಜಮ್ಮು ಕಾಶ್ಮೀರದಲ್ಲಿ ತನಗೆ ಅವರ ರೀತಿಯ ರಾಜಕಾರಣ ಕೈಗೊಳ್ಳಲು ಇಲ್ಲಿನ ಹಾಲಿ ಸ್ಥಿತಿಗತಿ ಅವಕಾಶ ನೀಡುತ್ತಿಲ್ಲ ಎಂದು ಹೇಳಿದರು.