ಚರಂಡಿಯಲ್ಲಿ ಗಲೀಜು ನೀರು, ದುರ್ನಾತ!

ಕೆ.ಎಸ್.ರಾವ್‌. ರಸ್ತೆ: ಮಳೆನೀರು ಹರಿಯುವ ನಗರದ ಹೃದಯಭಾಗದ ಬೃಹತ್‌ ಚರಂಡಿಯಲ್ಲಿ ಒಳಚರಂಡಿ ನೀರು ಹರಿಯುತ್ತ ಸ್ಥಳೀಯವಾಗಿ ವಾಸನೆ ವ್ಯಾಪಿಸಿದೆ. ಕೆ.ಎಸ್. ರಾವ್‌ ರಸ್ತೆಯ ಗಣೇಶ್‌ ಮಹಲ್‌ ಹಾಗೂ ಪ್ರಭಾತ್‌ ಟಾಕೀಸ್‌ ನಡುವಿನ ಚರಂಡಿಯಲ್ಲಿ ಗಲೀಜು ನೀರು ಹರಿಯುತ್ತಿದ್ದು ಸ್ಥಳೀಯವಾಗಿ ವಾಸನೆ ತುಂಬಿದೆ.

ಈ ಪ್ರದೇಶ ಸದಾ ಚಟುವಟಿಕೆಯ ತಾಣ. ವ್ಯವಹಾರ ಕೇಂದ್ರಿತ ಸ್ಥಳ. ಮಾಲ್‌, ಸಿನೆಮಾ ಥಿಯೇಟರ್‌ ಸೇರಿದಂತೆ ಹೆಚ್ಚು ಜನರು ಓಡಾಟ ನಡೆಸುವ ಕೇಂದ್ರ. ಆದರೆ, ಎಲ್ಲರಿಗೂ ಒಂದೇ ಸಮಸ್ಯೆ-ಬೃಹತ್‌ ಚರಂಡಿಯ ವಾಸನೆ! ವ್ಯಾಪಾರ ವಹಿವಾಟಿಗೂ ಇಲ್ಲಿ ಇದುವೇ ಸಮಸ್ಯೆಯಾಗಿದೆ. ಜತೆಗೆ ಸೊಳ್ಳೆ ಉತ್ಪತ್ತಿಯ ತಾಣವಾಗಿ ಬದಲಾಗಿದೆ.

ಕೆ.ಎಸ್. ರಾವ್‌ ರಸ್ತೆಯ ಗಣೇಶ್‌ ಮಹಲ್‌ ಹಾಗೂ ಪ್ರಭಾತ್‌ ಟಾಕೀಸ್‌ ನಡುವಿನ ಚರಂಡಿಯಲ್ಲಿ ಮಳೆನೀರು ಹಾಗೂ ಒಳಚರಂಡಿಯ ಗಲೀಜು ನೀರು ಹರಿಯುತ್ತಿದ್ದು, ಈ ಪರಿಸರ ದುರ್ವಾ ಸನೆಯಿಂದ ಕೂಡಿದೆ. ಸೊಳ್ಳೆ ಉತ್ಪತ್ತಿ ತಾಣವಾಗುತ್ತಿದೆ. ಈ ಬಗ್ಗೆ ಪರಿಶೀಲಿಸಿ ಕ್ರಮ ಕೈಗೊಳ್ಳುವಂತೆ ಪಾಲಿಕೆ ಆಯುಕ್ತ ಅಕ್ಷಯ್‌ ಶ್ರೀಧರ್‌ ಅವರಿಗೆ ಶಾಸಕ ವೇದವ್ಯಾಸ್‌ ಕಾಮತ್‌ ಅವರು ಪತ್ರದ ಮೂಲಕ ಸೂಚಿಸಿದ್ದಾರೆ. ಆದರೆ ಇನ್ನೂ ಕೂಡ ಸಮಸ್ಯೆಗೆ ಪರಿಹಾರ ದೊರೆತಿಲ್ಲ.