ಎನ್‌ಕೌಂಟರ್‌ಗೆ ಏಳು ಮಂದಿ ನಕ್ಸಲರು ಬಲಿ

ಗಡಚಿರೋಲಿ: ಮಹಾರಾಷ್ಟ್ರದ ಗಡಚಿರೋಲಿ ಜಿಲ್ಲೆಯಲ್ಲಿ ಬುಧವಾರ ನಕ್ಸಲ್‌ ನಿಗ್ರಹ ಕಾರ್ಯಾಚರಣೆ ನಡೆದಿದ್ದು, ಐವರು ಮಹಿಳೆಯರು ಸೇರಿದಂತೆ 7 ಮಂದಿ ನಕ್ಸಲೀಯರನ್ನು ಹೊಡೆದುರುಳಿಸಲಾಗಿದೆ.

ಮಹಾರಾಷ್ಟ್ರ ಪೊಲೀಸರ ವಿಶೇಷ ನಕ್ಸಲ್‌ ನಿಗ್ರಹ ಪಡೆಯು ಈ ಕಾರ್ಯಾಚರಣೆಯ ನೇತೃತ್ವ ವಹಿಸಿತ್ತು. ನಕ್ಸಲರ ಕುರಿತು ಖಚಿತ ಸುಳಿವಿನ ಮೇರೆಗೆ ಮಂಗಳವಾರ ಮಧ್ಯರಾತ್ರಿಯೇ ಸಿ-60 ಕಮಾಂಡೋಗಳ ತಂಡವನ್ನು ಕಲ್ಲೇಡ್‌ ಗ್ರಾಮದ ದಟ್ಟಾರಣ್ಯಕ್ಕೆ ಕಳುಹಿಸಲಾಗಿತ್ತು. ಬೆಳಗ್ಗೆ 5.30ರ ವೇಳೆಗೆ ಎನ್‌ಕೌಂಟರ್‌ ಆರಂಭವಾಯಿತು. ಎರಡೂ ಬದಿಯಿಂದ ಕೆಲ ಗಂಟೆಗಳ ಕಾಲ ಗುಂಡಿನ ಚಕಮಕಿ ನಡೆದು, ಕೊನೆಗೆ 7 ಮಂದಿ ನಕ್ಸಲರನ್ನು ಹತ್ಯೆಗೈಯ್ಯಲಾಯಿತು. ಕನಿಷ್ಠ ಇಬ್ಬರು ಮಾವೋವಾದಿಗಳು ಗಾಯಗೊಂಡರು. ಮೃತರಿಂದ ಕೆಲವು ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಕೇಂದ್ರ ಗೃಹ ಸಚಿವ ರಾಜನಾಥ್‌ ಅವರು ಸಿಎಂ ಫ‌ಡ್ನವೀಸ್‌ಗೆ ಕರೆ ಮಾಡಿ, ಕಾರ್ಯಾಚರಣೆ ಕುರಿತು ಶ್ಲಾ ಸಿದ್ದಾರೆ.