ಪ್ರತ್ಯೇಕತಾವಾದಿಗಳಿಂದ ಇಂದು ಕಾಶ್ಮೀರ ಬಂದ್‌ : ಜನಜೀವನ ಬಾಧಿತ

ಶ್ರೀನಗರ : ಕಾಶ್ಮೀರ ಕಣಿವೆಯಲ್ಲಿ ಈಚೆಗೆ ನಡೆದಿರುವ ಹತ್ಯೆಗಳನ್ನು ಪ್ರತಿಭಟಿಸಿ ಪ್ರತ್ಯೇಕತವಾದಿ ನಾಯಕರು ಇಂದು ಸೋಮವಾರ ನೀಡಿರುವ ಬಂದ್‌ ಕರೆಯನ್ವಯ ಕಾಶ್ಮೀರ ಇಂದು ಮುಚ್ಚಿಕೊಂಡಿದ್ದು ಸಾಮಾಜ್ಯ ಜನಜೀವನ ತೀವ್ರವಾಗಿ ಬಾಧಿತವಾಗಿದೆ. ಆದರೆ ಎಲ್ಲೂ ಈ ವರೆಗೆ ಅಹಿತಕರ ಘಟನೆ ನಡೆದಿರುವ ವರದಿಗಳಿಲ್ಲ. 

ಜಮ್ಮು ಕಾಶ್ಮೀರದ ಈ ಬೇಸಗೆ ರಾಜಧಾನಿಯಲ್ಲಿನ ಹೆಚ್ಚಿನಲ್ಲ ಅಂಗಡಿ ಮುಂಗಟ್ಟುಗಳು ಇಂದು ತೆರೆದಿಲ್ಲ. ಸಾರ್ವಜನಿಕೆ ಸಾರಿಗೆ ವಾಹನಗಳು ರಸ್ತೆಗೆ ಇಳಿಯಲಿಲ್ಲ.ಖಾಸಗಿ ವಾಹನಗಳ ಓಡಾಟ ವಿರಳವಾಗಿ ಕಂಡು ಬಂದಿದೆ. ಖಾಸಗಿ ಕಾರುಗಳು, ಆಟೋ ರಿಕ್ಷಾಗಲ ಸಂಚಾರ ಕೂಡ ವಿರಳವಾಗಿ ಕಂಡು ಬಂದಿದೆ. 

ಜಂಟಿ ಪ್ರತಿರೋಧ ನಾಯಕತ್ವದಡಿ ಪ್ರತ್ಯೇಕತಾವಾತಿ ನಾಯಕರಾದ ಸೈಯದ್‌ ಅಲಿ ಶಾ ಗೀಲಾನಿ, ಮೀರ್‌ವೆàಜ್‌ ಉಮರ್‌ ಫಾರೂಕ್‌ ಮತ್ತು ಮೊಹಮ್ಮದ ಯಾಸಿನ್‌ ಮಲಿಕ್‌ ಅವರು ನಿನ್ನೆ ಭಾನುವಾರವೇ ಇಂದು ಸೋಮವಾರ ಬಂದ್‌ ಗೆ ಕರೆ ನೀಡಿದ್ದರು.