ದಲಿತ ಸೇನೆ ಮಹಿಳಾ ಘಟಕಕ್ಕೆ ಆಯ್ಕೆ

ಅಫಜಲಪುರ: ಅನ್ಯಾಯದ ವಿರುದ್ಧ ಹೋರಾಟ ಮಾಡಲು ತಾಲೂಕಿನಲ್ಲಿ ಮಹಿಳಾ ಸಂಘಟನೆ ರಚಿಸುವಂತೆ ರಾಜ್ಯಾಧ್ಯಕ್ಷ ಹನುಮಂತ ಯಳಸಂಗಿ ಜಿಲ್ಲಾಧ್ಯಕ್ಷ ಮಂಜುನಾಥ ಭಂಡಾರಿ ಆದೇಶದ ಮೇರೆಗೆ ದಲಿತ ಸೇನೆ ಮಹಿಳಾ ತಾಲೂಕಾಧ್ಯಕ್ಷೆಯಾಗಿ ರೂಪಾ ಸಾಲೋಟಗಿ ಅವರನ್ನು ನೇಮಕ ಮಾಡಲಾಗಿದೆ ಎಂದು ದಲಿತ ಸೇನೆ ಅಧ್ಯಕ್ಷ ಮಾಹಾಂತೇಶ ಬಳೂಂಡಗಿ ಹೇಳಿದರು.

ಪಟ್ಟಣದ ಡಾ| ಬಿ.ಆರ್‌. ಅಂಬೇಡ್ಕರ್‌ ಭವನದಲ್ಲಿ ಪದಾಧಿಕಾರಿಗಳನ್ನು ಆಯ್ಕೆ ಮಾಡಿ ಮಾತನಾಡಿದ ಅವರು, ತಾಲೂಕು ಕಾರ್ಯಾಧ್ಯಕ್ಷೆ ಅನಸೂಯಾ ವೈ. ಆರೇಕರ್‌, ಪ್ರಧಾನ ಕಾರ್ಯಾಧ್ಯಕ್ಷೆ ಸಾವಿತ್ರಿ ಭೌರಗಿ, ಖಜಾಂಚಿಯಾಗಿ ಮುನಿರಾ ಬೇಗಂ, ಉಪಾಧ್ಯಕ್ಷೆಯಾಗಿ ಮಮತಾ ಎನ್‌. ದೊಡ್ಮನಿ, ಭಾರತಿ ಕುಂಬಾರ, ಸಂಘಟನಾ ಕಾರ್ಯದರ್ಶಿಯಾಗಿ ಸರಸ್ವತಿ ಇಸ್ಪೂರ, ನಗರ ಘಟಕ ತಾಲೂಕಾಧ್ಯಕ್ಷೆಯಾಗಿ ಸುನಂದಾ ಸುಲೇಕರ್‌, ಉಪಾಧ್ಯಕ್ಷೆಯಾಗಿ ಶೋಭಾ ಚೆನ್ನೂರ, ಪ್ರಧಾನ ಕಾರ್ಯದರ್ಶಿಯಾಗಿ ನಾಗಮ್ಮ ಶಿರಗಿರಿ ಅವರನ್ನು ನೇಮಕ ಮಾಡಲಾಯಿತು ಎಂದು ತಿಳಿಸಿದರು.

ದಲಿತ ಸೇನೆ ಮುಖಂಡರಾದ ನಿಂಗು ಪಾಟೋಳಿ, ರವಿ ಅಳ್ಳಗಿ, ಮಹಾದೇವ ಬಂಕಲಗಿ, ಬಾಬು ಕೇಸಾಪುರ ,ಮಡಿವಾಳ ಹೊಸ್ಮನಿ, ಸಾಗರ ಅಳ್ಳಗಿ ಈ ಸಂದರ್ಭದಲ್ಲಿದ್ದರು.