ಕಾಫಿ ಡೇ ಎಂಟರ್‌ಪ್ರೈಸಸ್‌ಗೆ ರೂ. 26 ಕೋಟಿ ರೂ.ದಂಡ ವಿಧಿಸಿದ ಸೆಬಿ

ನವದೆಹಲಿ: ತನ್ನ ಸಹೋದರ ಸಂಸ್ಥೆಗಳಿಂದ ಬಾಕಿ ಹಣ ವಸೂಲಿಗೆ ವಿಫ‌ಲವಾದ ಹಿನ್ನೆಲೆಯಲ್ಲಿ ಕಾಫಿ ಡೇ ಎಂಟರ್‌ಪ್ರೈಸಸ್‌ಗೆ ಸೆಕ್ಯೂರಿಟೀಸ್‌ ಆ್ಯಂಡ್‌ ಎಕ್ಸ್‌ಚೇಂಜ್‌ ಬೋರ್ಡ್‌ ಆಫ್ ಇಂಡಿಯಾ(ಸೆಬಿ) 26 ಕೋಟಿ ರೂ. ದಂಡ ವಿಧಿಸಿದೆ.

ಮೈಸೂರು ಅಮಾಲ್ಗಮೇಟೆಡ್‌ ಕಾಫಿ ಎಸ್ಟೇಟ್ಸ್‌ ಲಿಮಿಟೆಡ್‌ ಮತ್ತು ಇತರೆ ತನ್ನ ಸಹೋದರ ಸಂಸ್ಥೆಗಳಿಂದ 3,535 ಕೋಟಿ ರೂ. ಬಾಕಿ ವಸೂಲಿ ಮಾಡುವಂತೆ ಇದೇ ವೇಳೆ ಕಾಫಿ ಡೇ ಗೆ ಸೆಬಿ ಸೂಚಿಸಿದೆ.

ಈ ಹಣವನ್ನು ಕಾಫಿ ಡೇ ಕಂಪನಿಯಿಂದ ಮತ್ತು ಅದರ ಏಳು ಅಂಗಸಂಸ್ಥೆಗಳಿಂದ ಬೇರೆಡೆಗೆ ವರ್ಗಾಯಿಸಲಾಗಿತ್ತು. ಇದರಿಂದ ಷೇರುದಾರರಿಗೆ ನಷ್ಟ ಉಂಟಾಗಿತ್ತು ಎಂದು ಸೆಬಿ ತಿಳಿಸಿದೆ. ಇದೇ ವೇಳೆ ದಂಡವನ್ನು 45 ದಿನದ ಒಳಗಾಗಿ ಪಾವಸಿಸುವಂತೆ ಕಂಪನಿಗೆ ಸೂಚಿಸಿದೆ.