ಕತಾರ್‌ ಏರ್‌ ವೇಸ್‌ ಲೈಸನ್ಸ್‌ ರದ್ದು ಮಾಡಿದ ಸೌದಿ ಅರೇಬಿಯ

ರಿಯಾಧ್‌ : ಸೌದಿ ಆರೇಬಿಯ ಇಂದು ಕತಾರ್‌ ಏರ್‌ ವೇಸ್‌ ನ ನಿರ್ವಹಣಾ ಪರವಾನಿಗೆಯನ್ನು ರದ್ದು ಮಾಡಿದೆಯಲ್ಲದೆ ಮುಂದಿನ 48 ತಾಸುಗಳ ಒಳಗೆ ತನ್ನ ಕಚೇರಿಗಳನ್ನು ಮುಚ್ಚುವಂತೆ ಅದಕ್ಕೆ ಆದೇಶ ನೀಡಿದೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ. ಸೌದಿ ಆರೇಬಿಯದ ಈ ಕ್ರಮದಿಂದಾಗಿ ಪ್ರಾದೇಶಿಕ ರಾಜತಾಂತ್ರಿಕ ಬಿಕ್ಕಟ್ಟು  ತೀವ್ರಗೊಂಡಂತಾಗಿದೆ.

ಎಸ್‌ಪಿಎ ಸುದ್ದಿ ಸಂಸ್ಥೆ ಪ್ರಕಟಿಸಿರುವ ಸೌದಿ ಆರೇಬಿಯದ ಅಧಿಕೃತ ಪ್ರಕಟನೆ ಹೀಗೆ ಹೇಳಿದೆ : “ಪೌರ ವಾಯುಯಾನದ ಮಹಾ ಪ್ರಾಧಿಕಾರವು ಕತಾರ್‌ ಏರ್‌ ವೇಸ್‌ ಗೆ ಮಂಜೂರಾಗಿದ್ದ ಎಲ್ಲ ಲೈಸನ್ಸ್‌ಗಳನ್ನು ರದ್ದು ಮಾಡಲು ನಿರ್ಧರಿಸಿದೆ ಮತ್ತು ಮುಂದಿನ 48 ತಾಸುಗಳ ಒಳಗೆ ತನ್ನ ಎಲ್ಲ ಕಚೇರಿಗಳನ್ನು ಮುಚ್ಚಬೇಕೆಂದು ಕತಾರ್‌ ಏರ್‌ ವೇಸ್‌ ಗೆ ಆದೇಶಿಸಿದೆ.