Satellite Launch Proba-3: ಇಂದು ಐರೋಪ್ಯ ಒಕ್ಕೂಟದ ಪ್ರೋಬಾ ಉಪಗ್ರಹ ನಭಕ್ಕೆ

ಹೊಸದಿಲ್ಲಿ: ಸೂರ್ಯನ ಕೋರೋನಾ ಭಾಗದ ಅಧ್ಯಯನಕ್ಕಾಗಿ ಐರೋಪ್ಯ ಒಕ್ಕೂಟ ಉಡಾವಣೆ ಮಾಡುತ್ತಿರುವ “ಪ್ರೋಬಾ-3′ ಉಪಗ್ರಹವನ್ನು ಬುಧ­ವಾರ ಇಸ್ರೋ ಉಡಾವಣೆ ಮಾಡಲಿದೆ.

ಅದಕ್ಕಾಗಿ ಮಂಗಳವಾರದಿಂದ ಕೌಂಟ್‌ಡೌನ್‌ ಶುರುವಾಗಿದೆ. ಗಮನಾರ್ಹ ಅಂಶವೆಂದರೆ 23 ವರ್ಷಗಳ ಬಳಿಕ ಮತ್ತೂಮ್ಮೆ ಉಪಗ್ರಹ ಉಡಾವಣೆಗೆ ಐರೋಪ್ಯ ಒಕ್ಕೂಟ ಭಾರತದ ಇಸ್ರೋದೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಪಿಎಸ್‌ಎಲ್‌ವಿ ರಾಕೆಟ್‌ ಬಳಕೆ ಮಾಡಿ ಈ ಉಪಗ್ರಹವನ್ನು ಬುಧವಾರ ಸಾಯಂಕಾಲ 4.06ಕ್ಕೆ ಆಂಧ್ರಪ್ರದೇಶದ ಶ್ರೀಹರಿಕೋಟಾದಿಂದ ಉಡಾವಣೆ ಮಾಡಲಾಗುತ್ತದೆ.

550 ಕೆ.ಜಿ. ತೂಕ­ವಿರುವ ಈ ಉಪಗ್ರಹವನ್ನು ಅಂಡಾ­ಕಾರದ ಕಕ್ಷೆಯಲ್ಲಿ ಸ್ಥಾಪನೆ ಮಾಡಲಾಗುತ್ತದೆ. ಒಂದೇ ಉಪಗ್ರಹ­ವಾಗಿ ಇದನ್ನು ಉಡಾವಣೆ ಮಾಡಿ­ದರೂ ಸಹ ಬಾಹ್ಯಾಕಾಶದಲ್ಲಿ ಇದು 2 ಉಪಗ್ರಹವಾಗಿ ಭಾಗವಾಗಿ, ಒಂದು ಉಪಗ್ರಹದ ಎದುರು ಮತ್ತೂಂದು ಬಂದು ಗ್ರಹಣವನ್ನು ಸೃಷ್ಟಿಸಿ, ಸೂರ್ಯ ಕೊರೋನಾ ಭಾಗವನ್ನು ಇದು ಅಧ್ಯಯನ ಮಾಡಲಿದೆ ಎಂದು ಐರೋಪ್ಯ ಸ್ಪೇಸ್‌ ಏಜೆನ್ಸಿàಸ್‌ನ ಅಧಿಕಾರಿಗಳು ತಿಳಿಸಿದ್ದಾರೆ.