Salaar ಟ್ರೇಲರ್ ಬಿಡುಗಡೆ; ಭರ್ಜರಿ ಪ್ರತಿಕ್ರಿಯೆ: ಪ್ರಭಾಸ್, ಪೃಥ್ವಿರಾಜ್ ಮೋಡಿ

ಬೆಂಗಳೂರು: “ಕೆಜಿಎಫ್ ಚಾಪ್ಟರ್ 1 ಮತ್ತು 2 , ಕಾಂತಾರ ಖ್ಯಾತಿಯ ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣದ ಪ್ರಭಾಸ್, ಪೃಥ್ವಿರಾಜ್ ಅವರ ದೈತ್ಯ ಪ್ರತಿಭೆಗಳನ್ನು ಒಳಗೊಂಡ “ಸಲಾರ್” ನ ಅಧಿಕೃತ ಟೀಸರ್ ಡಿ. 1ರಂದು ಬಿಡುಗಡೆಯಾಗಿದ್ದು ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಬಿಡುಗಡೆಯಾಗಿ ಕೆಲವೇ ಗಂಟೆಗಳಲ್ಲಿ ಶುಕ್ರವಾರ ರಾತ್ರಿ 10 ಗಂಟೆ ವೇಳೆಗೆಹಿಂದಿ ಟ್ರೇಲರ್ 20 ಲಕ್ಷದ 87 ಸಾವಿರದ 54 ವೀಕ್ಷಣೆಯನ್ನು ಪಡೆದಿದೆ.

ಶ್ರುತಿ ಹಾಸನ್, ಟಿನು ಆನಂದ್, ಈಶ್ವರಿ ರಾವ್, ಜಗಪತಿ ಬಾಬು, ಶ್ರೀಯಾ ರೆಡ್ಡಿ, ಗರುಡ ರಾಮ್ ಅವರು ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ.

ರವಿ ಬಸ್ರೂರ್ ಅವರ ಭರ್ಜರಿ ಸಂಗೀತ ಚಿತ್ರಕ್ಕಿದೆ. ರೆಬೆಲ್ ಸ್ಟಾರ್ ಪ್ರಭಾಸ್ ಸಲಾರ್ ಆಗಿ ಮಿಂಚಿದ್ದು, ಪ್ರಶಾಂತ್ ನೀಲ್ ನಿರ್ದೇಶಿಸಿದ್ದಾರೆ. ಟೀಸರ್ ವಿಭಿನ್ನ ನಿರೂಪಣೆ ಮತ್ತು ಮನಸ್ಸಿಗೆ ಮುದ ನೀಡುವ ದೃಶ್ಯಗಳ ರೋಮಾಂಚಕ ನೋಟ ಹೊಂದಿದೆ. ಡಿಸೆಂಬರ್ 22 ರಂದು ಚಿತ್ರ ಬಿಡುಗಡೆಯಾಗಲಿದೆ.