ಸ್ಯಾಫ್ ಅಂಡರ್‌-17 ಫುಟ್‌ಬಾಲ್‌ : ಪ್ರಶಸ್ತಿ ಉಳಿಸಿಕೊಂಡ ಭಾರತ

ಕೊಲಂಬೊ: ನೇಪಾಲವನ್ನು 4-0 ಗೋಲುಗಳಿಂದ ಪರಾಭವಗೊಳಿಸಿದ ಹಾಲಿ ಚಾಂಪಿಯನ್‌ ಭಾರತ ಸ್ಯಾಫ್ ಅಂಡರ್‌-17 ಫ‌ುಟ್‌ಬಾಲ್‌ ಪ್ರಶಸ್ತಿಯನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಬಾಬಿ ಸಿಂಗ್‌, ಕೋರೂ ಸಿಂಗ್‌, ನಾಯಕ ವನ್ಲಲ್ಕೇಕ ಗೈಟ್‌ ಮತ್ತು ಅಮಾನ್‌ ಭಾರತದ ಪರ ಒಂದೊಂದು ಗೋಲು ಹೊಡೆದರು. ಇದರೊಂದಿಗೆ ಲೀಗ್‌ ಹಂತ ದಲ್ಲಿ ನೇಪಾಲ ವಿರುದ್ಧ ಅನುಭವಿಸಿದ 3-1 ಅಂತರದ ಸೋಲಿಗೂ ಭಾರತ ಸೇಡು ತೀರಿಸಿಕೊಂಡಂತಾಯಿತು.

ಪ್ರಶಸ್ತಿ ಸಮರದಲ್ಲಿ ಭಾರತ ಆರಂಭ ದಿಂದಲೇ ನೇಪಾಲ ಮೇಲೆ ಆಕ್ರಮಣಗೈದು ಸಂಪೂರ್ಣ ಹಿಡಿತ ಸಾಧಿಸಿತು. 18ನೇ ನಿಮಿಷದಲ್ಲಿ ಬಾಬಿ ಸಿಂಗ್‌ ಗೋಲು ಖಾತೆ ತೆರೆದರು.

ನೇಪಾಲಕ್ಕೆ ದ್ವಿತೀಯಾರ್ಧದಲ್ಲಿ ಗೋಲು ಬಾರಿಸುವ ಉತ್ತಮ ಅವಕಾಶವಿತ್ತು. ಬದಲಿ ಆಟಗಾರ ದಾನ್‌ ಸಿಂಗ್‌ ಗರಿಷ್ಠ ಪ್ರಯತ್ನ ಪಟ್ಟರಾದರೂ ಯಶಸ್ವಿಯಾಗಲಿಲ್ಲ. ಆದರೆ ಭಾರತದ ಬದಲಿ ಆಟಗಾರ ಅಮಾನ್‌ ಧಾರಾಳ ಯಶಸ್ಸು ಕಂಡರು. ನೇಪಾಲದ ರಕ್ಷಣಾ ವಿಭಾಗಕ್ಕೆ ಸಡ್ಡು ಹೊಡೆದು 4ನೇ ಗೋಲು ಹೊಡೆದರು. ನಾಯಕ ವನÉಲ್ಪೇಕ ಗೈಟ್‌ “ಮೋಸ್ಟ್‌ ವ್ಯಾಲ್ಯುಯೇಬಲ್‌ ಪ್ಲೇಯರ್‌’, ಸಾಹಿಲ್‌ ಅತ್ಯುತ್ತಮ ಗೋಲ್‌ಕೀಪರ್‌ ಪ್ರಶಸ್ತಿಗೆ ಭಾಜನರಾದರು.