ಅಮೆರಿಕದಲ್ಲೂ ದಾಖಲೆ: 98 ಸೆಕೆಂಡ್‌ನ‌ಲ್ಲಿ ಆರ್‌ಆರ್‌ಆರ್‌ ಟಿಕೆಟ್‌ ಸೋಲ್ಡ್‌ಔಟ್‌ !

ವಾಷಿಂಗ್ಟನ್‌ :ಭಾರತೀಯ ಚಿತ್ರರಂಗದಲ್ಲಿ ಹೊಸ ಸಂಚಲನ ಮೂಡಿಸಿದ್ದ ರಾಜಮೌಳಿ ನಿರ್ದೇಶನದ ಆರ್‌ಆರ್‌ಆರ್‌ ಸಿನಿಮಾ ಅಮೆರಿಕದಲ್ಲೂ ದಾಖಲೆ ಸೃಷ್ಟಿಸಿದ್ದು, ವಿಶ್ವದ ಅತಿದೊಡ್ಡ ಐಎಂಎಎಕ್ಸ್‌ ಥೀಯೇಟರ್‌ನಲ್ಲಿ ಚಿತ್ರದ ಟಿಕೆಟ್‌ಗಳು ಕೇವಲ 98 ಸೆಕೆಂಡ್‌ಗಳಲ್ಲಿ ಸೋಲ್ಡ್‌ ಔಟ್‌ ಆಗಿವೆ.

ಲಾಸ್‌ ಏಂಜಲೀಸ್‌ನ ಟಿಸಿಎಲ್‌ ಚೈನೀಸ್‌ ಥಿಯೇಟರ್‌ನಲ್ಲಿ ಜನವರಿ 9 ರಂದು ಸಿನಿಮಾ ಪ್ರದರ್ಶನ ಕಾಣಲಿದ್ದು, ಬಿಯಾಂಡ್‌ ಫೆಸ್ಟ್‌ ಸಿನಿಮಾ ಉತ್ಸವದ ಹಿನ್ನೆಲೆ ಆರ್‌ಆರ್‌ಆರ್‌ ಸಿನಿಮಾ ಪ್ರದರ್ಶನವನ್ನು ಆಯೋಜಿಸಲಾಗಿದೆ.

ಜೂನಿಯರ್‌ ಎನ್‌ಟಿಆರ್‌ ಹಾಗೂ ರಾಮ್‌ ಚರಣ್‌ ಅಭಿನಯಿಸಿರುವ ಈ ಚಿತ್ರವನ್ನ ಕಣ್ತುಂಬಿಕೊಳ್ಳಲು ಈಗಾಗಲೇ ಅಮೆರಿಕದಲ್ಲೂ ಅಭಿಮಾನಿಗಳು ಮುಗಿಬಿದ್ದಿದ್ದು, 98 ಸೆಕೆಂಡ್‌ನ‌ಲ್ಲೇ ಎಲ್ಲಾ ಟಿಕೆಟ್‌ ಸೋಲ್ಡ್‌ಔಟ್‌ ಆಗಿದೆ ಎಂದು ಬಿಯಾಂಡ್‌ ಫೆಸ್ಟ್‌, ತನ್ನ ವೆಬ್‌ಸೈಟ್‌ನಲ್ಲಿ ಹಂಚಿಕೊಂಡಿದೆ.