ವಿಶ್ವ ರಾ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್: ನಾಲ್ಕು ಪದಕ ಗೆದ್ದ ರೋಮಾ ಶಾ

ಸೂರತ್: ಭಾರತೀಯ ಮಹಿಳಾ ಕ್ರೀಡಾಪಟುಗಳು ಈ ವರ್ಷ ತಮ್ಮ ಪದಕ ಬೇಟೆಯನ್ನು ಮುಂದುವರಿಸಿದ್ದಾರೆ. ಸದ್ಯ ಮಾಸ್ಕೋದಲ್ಲಿ ನಡೆಯುತ್ತಿರುವ ವಿಶ್ವ ರಾ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್ ನಲ್ಲಿ ಭಾರತದ ರೋಮಾ ಶಾ ನಾಲ್ಕು ಪದಕ ಗೆದ್ದಿದ್ದಾರೆ.

ರೋಮಾ ಶಾ ಎರಡು ಬಂಗಾರ ಮತ್ತು ಎರಡು ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದಾರೆ. ರೋಮಾ ಸಹೋದರ ಅಭಿಷೇಕ್ ಶಾ ಕೂಡಾ ಭಾಗವಹಿಸಿದ್ದು ಅವರು ಒಂದು ಕಂಚಿನ ಪದಕ ಗೆದ್ದಿದ್ದಾರೆ.

ನಾನು ಕಾಲೇಜು ದಿನಗಳಲ್ಲಿ ಪವರ್ ಲಿಫ್ಟಿಂಗ್ ಬಗ್ಗೆ ಹೆಚ್ಚಿನ ಉತ್ಸಾಹ ತೋರಲಾರಂಭಿಸಿದೆ. ಕಠಿಣ ಪರಿಶ್ರಮದಿಂದ ಇದು ಸಾಧ್ಯವಾಗಿದೆ. ಶುದ್ಧ ಸಸ್ಯಹಾರಿಯಾಗಿದ್ದ ನಾನು ಹೆಚ್ಚಿನ ಶಕ್ತಿ ಪಡೆಯುವ ಉದ್ದೇಶದಿಂದ ಮಾಂಸಹಾರಗಳನ್ನು ಸೇವಿಸಲಾರಂಭಿಸಿದ್ದೇನೆ ಎಂದರು.