Advertisement
ಈ ಬಗ್ಗೆ ಪ್ರತಿಕ್ರಿಯಿಸಿದ ರೋಹಿತ್, ಕುಲದೀಪ್‌ ಯಾದವ್‌ಗೆ ವೀಸಾ ಸಿಗಲಿಲ್ಲ. ಅದಕ್ಕೆ ತನುಷ್‌ರನ್ನು ಆಯ್ಕೆ ಮಾಡಲಾಗಿದೆ ಎಂದು ತಮಾಷೆ ಮಾಡಿದರು. ನಂತರ ಮಾತಾಡಿದ ಅವರು “ತನುಷ್‌ ಒಂದು ತಿಂಗಳ ಹಿಂದೆ ಭಾರತ “ಎ’ ತಂಡದೊಡನೆ ಆಸ್ಟ್ರೇಲಿಯಾದಲ್ಲಿ ಆಡಿದ್ದಾರೆ. ಉತ್ತಮ ಲಯದಲ್ಲೂ ಇದ್ದಾರೆ, ತಕ್ಷಣಕ್ಕೆ ಲಭ್ಯವಿದ್ದಾರೆ. ಇನ್ನು ಕುಲದೀಪ್‌ಗೆ ಫಿಟೆ°ಸ್‌ ಸಮಸ್ಯೆಯಿದೆ, ಅಕ್ಷರ್‌ ಪಟೇಲ್‌ ಮಗು ಹುಟ್ಟಿದ ಸಂಭ್ರಮದಲ್ಲಿದ್ದಾರೆ’ ಎಂದು ಸ್ಪಷ್ಟಪಡಿಸಿದರು.
Related Articles
Advertisement
“ಯಶಸ್ವಿ ಜೈಸ್ವಾಲ್‌, ಶುಭಮನ್‌ ಗಿಲ್‌ ಮತ್ತು ರಿಷಭ್‌ ಪಂತ್‌ ಸದ್ಯ ಒಂದೇ ದೋಣಿಯಲ್ಲಿದ್ದಾರೆ. ಇವರ ಫಾರ್ಮ್ ಬಗ್ಗೆ ಚಿಂತಿಸಬೇಕಾದ ಅಗತ್ಯವಿಲ್ಲ. ಎಲ್ಲರೂ ಆಸ್ಟ್ರೇಲಿಯಾದ ಬೌಲರ್‌ಗಳನ್ನು ಎದುರಿಸಿದ್ದಾರೆ. ಮೆಲ್ಬರ್ನ್ ನಲ್ಲೂ ಅದೇ ಬೌಲರ್ ಇರುತ್ತಾರೆ’ ಎಂದರು.
ಆದರೆ ಸದ್ಯದ ಚಿಂತೆಯೆಂದರೆ ಸ್ವತಃ ರೋಹಿತ್ ಲಯ. ಈ ಸರಣಿಯಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಆಡಲಿಳಿದ ಅವರ ಗಳಿಕೆ ಕೇವಲ 10, 3 ಮತ್ತು 6 ರನ್‌ ಮಾತ್ರ. ಫಾರ್ಮ್ ಕಂಡುಕೊಳ್ಳುವ ವಿಶ್ವಾಸ ಅವರದ್ದು.
ಗಿಲ್‌ ಪಂದ್ಯಕ್ಕೆ ಫಿಟ್‌: ಅಭ್ಯಾಸದ ವೇಳೆ ಬಲಗೈಗೆ ಗಾಯ ಮಾಡಿಕೊಂಡರೂ ಶುಭಮನ್‌ ಗಿಲ್‌ ಅಭ್ಯಾಸ ನಡೆಸಿದರು. ಅವರು ಪಂದ್ಯಕ್ಕೆ ಸಿದ್ಧವಾಗಿದ್ದಾರೆ ಎಂದು ತಂಡ ತಿಳಿಸಿದೆ.
ನಾನು ಫಿಟ್‌, ಆಡ್ತೀನಿನಾನು ಸಂಪೂರ್ಣ ಫಿಟ್‌ನೆಸ್‌ಗೆ ಮರಳಿದ್ದೇನೆ, ನನ್ನ ಮೊಣಕಾಲು ನೋವು ಗುಣವಾಗಿದೆ, ಯಾವುದೇ ಆತಂಕ ಇಲ್ಲ.
-ರೋಹಿತ್ ಶರ್ಮಾ, ಭಾರತದ ನಾಯಕ ಹೆಡ್‌ಗೆ ಗಾಯ: ಆಸೀಸ್‌ಗೆ ತಲೆನೋವು
ಲಯದಲ್ಲಿರುವ ಆಸೀಸ್‌ ಬ್ಯಾಟರ್‌ ಟ್ರಾವಿಸ್‌ ಹೆಡ್‌ ಎಡಗಾಲಿನ ಮಂಡಿನೋವಿಗೊಳಗಾಗಿದ್ದಾರೆ. ಅವರು ಬಾಕ್ಸಿಂಗ್‌ ಡೇ ಪಂದ್ಯದಲ್ಲಿ ಆಡುವುದು ಅನುಮಾನವಿದೆ. ಇದು ಆಸ್ಟ್ರೇಲಿಯಾಕ್ಕೆ ತಲೆನೋವನ್ನುಂಟು ಮಾಡಿದೆ.