Advertisement
ತುಂಬೆ ಡ್ಯಾಂನಿಂದ ಬೆಂದೂರ್‌ ಪಂಪ್‌ಹೌಸ್‌ಗೆ ಕುಡಿಯುವ ನೀರಿನ ಸಂಪರ್ಕಕ್ಕಾಗಿ ನೀರಿನ ಪೈಪ್‌ಲೈನ್‌ ಹಲವು ವರ್ಷಗಳ ಹಿಂದೆ ಅಳವಡಿಸಲಾಗಿದೆ. ಅದರಲ್ಲಿಯೂ ಪಡೀಲ್‌ನಿಂದ ಪಂಪ್‌ವೆಲ್‌ ಹಾಗೂ ಅಲ್ಲಿಂದ ಕಂಕನಾಡಿವರೆಗೆ ಮುಖ್ಯ ರಸ್ತೆಯ ಕೆಳಭಾಗದಲ್ಲಿಯೇ ಪೈಪ್‌ಲೈನ್‌ ಇದೆ. ಹೀಗಾಗಿ ಕಾಮಗಾರಿ ನಡೆಸುವ ಸಂದರ್ಭ ಬಹು ಎಚ್ಚರಿಕೆ ವಹಿಸಬೇಕಾದ ಅನಿವಾರ್ಯ ಎದುರಾಗಿದೆ.
Related Articles
Advertisement
ಹೊಸ ರಸ್ತೆಯ ಬದಿಯಲ್ಲಿ ಹೊಸ ಪೈಪ್‌ಲೈನ್‌! :
ಪಡೀಲ್‌-ಪಂಪ್‌ವೆಲ್‌-ಕಂಕನಾಡಿ ವ್ಯಾಪ್ತಿಯ ಕಾಂಕ್ರೀಟ್‌ ಕೆಲಸ ನಡೆಸುವ ವೇಳೆ ರಸ್ತೆ ಹಾಗೂ ಫುಟ್‌ಪಾತ್‌ ಮಧ್ಯೆ ಯುಟಿಲಿಟಿ ಡಕ್ಟ್ಗಾಗಿ ಸ್ಥಳ ಮೀಸಲಿಡಲಾಗುತ್ತದೆ. ಇಲ್ಲಿ ಹೊಸ ನೀರಿನ ಪೈಪ್‌ಲೈನ್‌ ಮಾಡಲು ಅನುಕೂಲವಾಗುವಂತೆ ಅವಕಾಶ ಕಲ್ಪಿಸಲಾಗುತ್ತದೆ. ಅಗತ್ಯವಿದ್ದರೆ ಹೊಸ ಪೈಪ್‌ಲೈನ್‌ ಅನ್ನು ಈ ಭಾಗದಲ್ಲಿಯೇ ಮಾಡಲಾಗುತ್ತದೆ. ಜತೆಗೆ ಹಾಲಿ ರಸ್ತೆಯ ಕಾಮಗಾರಿ ನಡೆಸುವ ವೇಳೆ ನೀರಿನ ಪೈಪ್‌ಲೈನ್‌ಗೆ ಯಾವುದೇ ಸಮಸ್ಯೆ ಆಗದಂತೆ ಮುನ್ನೆಚ್ಚರಿಕೆ ವಹಿಸಲಾಗುತ್ತದೆ. 4 ಲೇನ್‌ನ ಕಾಂಕ್ರೀಟ್‌ ವೇ, ರಸ್ತೆಯ ಇಕ್ಕೆಲಗಳಲ್ಲಿ 3 ಮೀ. ಅಗಲದ ಇಂಟರ್‌ಲಾಕ್‌, ಮಳೆ ನೀರು ಹರಿದು ಹೋಗಲು ಚರಂಡಿ, ಯುಟಿಲಿಟಿ ಡಕ್ಟ್, ಪಾದಚಾರಿ ಮಾರ್ಗ, ರಸ್ತೆಯ ಮಧ್ಯದಲ್ಲಿ ಮೀಡಿಯನ್‌ (ವಿಭಜಕ) ಮತ್ತು ಅದರಲ್ಲಿ ದಾರಿದೀಪ ಕಂಬಗಳ ಅಳವಡಿಕೆ ಮಾಡಲಾಗುವುದು ಎಂದು ಮೇಯರ್‌ ಪ್ರೇಮಾನಂದ ಶೆಟ್ಟಿ “ಉದಯವಾಣಿ-ಸುದಿನ’ಕ್ಕೆ ತಿಳಿಸಿದ್ದಾರೆ.
ಮುನ್ನೆಚ್ಚರಿಕೆಗೆ ಆದ್ಯತೆ :
ಪಡೀಲ್‌ನಿಂದ ಪಂಪ್‌ವೆಲ್‌ ರಸ್ತೆ ಅಭಿವೃದ್ಧಿ ಸಂದರ್ಭ ಕುಡಿಯುವ ನೀರಿನ ಪೈಪ್‌ಲೈನ್‌ಗೆ ಯಾವುದೇ ರೀತಿಯ ಸಮಸ್ಯೆ ಆಗದಂತೆ ಹೆಚ್ಚು ಮುನ್ನೆಚ್ಚರಿಕೆ ವಹಿಸಲಾಗುತ್ತದೆ. ಜತೆಗೆ ಇದರ ಕಾಮಗಾರಿ ಸಂದರ್ಭ ಹಾಲಿ ರಸ್ತೆಯನ್ನು ಹೆಚ್ಚು ಅಗೆಯುವುದಿಲ್ಲ. ಜತೆಗೆ ಹೊಸ ಪೈಪ್‌ಲೈನ್‌ ಅಳವಡಿಸಲು ಹೆಚ್ಚುವರಿ ಸ್ಥಳವನ್ನು ಪ್ರತ್ಯೇಕವಾಗಿ ವ್ಯವಸ್ಥೆ ಮಾಡಲಾಗುವುದು.–ಅರುಣ್‌ಪ್ರಭ, ಜನರಲ್‌ ಮ್ಯಾನೇಜರ್‌, ಸ್ಮಾರ್ಟ್‌ಸಿಟಿ-ಮಂಗಳೂರು