Advertisement
https://www.nin.res.in/NICE.html ರಲ್ಲಿ ಮೇ 7, 2024ರಂದು ಅನಾವರಣಗೊಂಡ ಈ ಮಾರ್ಗಸೂಚಿಗಳು ಗರ್ಭಧಾರಣೆಯಿಂದ ವೃದ್ಧಾಪ್ಯದವರೆಗೆ ಪೋಷಣೆಯ ಅನಿವಾರ್ಯ ಪಾತ್ರವನ್ನು ಒತ್ತಿಹೇಳುತ್ತವೆ. ಅವರು ಅತ್ಯುತ್ತಮವಾದ ಬೆಳವಣಿಗೆ, ಅಭಿವೃದ್ಧಿ ಮತ್ತು ರೋಗ ತಡೆಗಟ್ಟುವಿಕೆಯನ್ನು ಉತ್ತೇಜಿಸಲು, ವಿಶೇಷವಾಗಿ ಆಹಾರ-ಸಂಬಂಧಿತ (ನಾನ್‌-ಕಮ್ಯುನಿಕಬಲ್‌ ಡಿಸೀಸ್‌ ಗಳು) ಅನಾರೋಗ್ಯಗಳಿಗೆ ಗುರಿಯಾಗುವುದನ್ನು ತಪ್ಪಿಸಲು ಸಮತೋಲಿತ ಆಹಾರದ ಅಗತ್ಯವನ್ನು ತಿಳಿಸಿದ್ದಾರೆ. ಈ ಮಾರ್ಗಸೂಚಿಗಳ ಅನುಷ್ಠಾನವನ್ನು ಖಚಿತಪಡಿಸಿಕೊಳ್ಳಲು ಸರಕಾರಿ ಮತ್ತು ಸರಕಾರೇತರ ಸಂಸ್ಥೆಗಳು ಹಾಗೂ ಶೈಕ್ಷಣಿಕ ಸಮುದಾಯದಿಂದ ಸಂಘಟಿತ ಪ್ರಯತ್ನಗಳ ಅಗತ್ಯವಿದೆ.
Related Articles
ಧಾನ್ಯಗಳು / ರಾಗಿ
ಬೇಳೆಕಾಳುಗಳು/ಮೊಟ್ಟೆ/ಮಾಂಸ
ಬೀಜಗಳು ಮತ್ತು ಎಣ್ಣೆ ಬೀಜಗಳು
ಎದೆ ಹಾಲು/ಹಾಲು ಮತ್ತು ಹಾಲಿನ ಉತ್ಪನ್ನಗಳು
ತರಕಾರಿ/ ಹಸಿರು ಸೊಪ್ಪುಗಳು ಮತ್ತು ಹಣ್ಣುಗಳು
Advertisement
ತಟ್ಟೆಯ ಅರ್ಧ ಭಾಗವು ತರಕಾರಿಗಳು, ಹಸುರು ಎಲೆಗಳ ತರಕಾರಿಗಳು, ಬೇರುಗಳು ಮತ್ತು ಗೆಡ್ಡೆಗಳು ಮತ್ತು ಹಣ್ಣುಗಳನ್ನು ಒಳಗೊಂಡಿರಬೇಕು. ಉಳಿದ ಅರ್ಧವನ್ನು ಧಾನ್ಯಗಳು ಮತ್ತು ರಾಗಿ (ಕನಿಷ್ಠ ಶೇ. 50 ಸಂಪೂರ್ಣ ಧಾನ್ಯದೊಂದಿಗೆ), ಬೇಳೆಕಾಳುಗಳು, ಮಾಂಸದ ಆಹಾರಗಳು (ನೇರ ಮಾಂಸ ಅಥವಾ ತೆಳು ಮಾಂಸ ಉದಾಹರಣೆಗೆ, ಕಡಿಮೆ ಕೊಬ್ಬಿನಂಶ ಇರುವ ಚರ್ಮ ರಹಿತ ಕೋಳಿ), ಮೊಟ್ಟೆಗಳು, ಬೀಜಗಳು, ಎಣ್ಣೆಕಾಳುಗಳು ಮತ್ತು ಕಡಿಮೆ-ಕೊಬ್ಬಿನ ಹಾಲಿನ ಉತ್ಪನ್ನಗಳನ್ನು ಹೊಂದಿರಬೇಕು. ಸಾಂಬಾರ ಪದಾರ್ಥಗಳಾದ ಅರಿಶಿನ, ಜೀರಿಗೆ, ಶುಂಠಿ, ಬೆಳ್ಳುಳ್ಳಿ, ದಾಲಿcನ್ನಿ, ಕಾಳು ಮೆಣಸು ಮತ್ತು ಲವಂಗಗಳು ಉತ್ಕರ್ಷಣ ನಿರೋಧಕ ಸಮೃದ್ಧವಾಗಿವೆ.
ಇದಲ್ಲದೆ ಮಾರ್ಗದರ್ಶಿ ಸೂತ್ರಗಳು ವಿಶೇಷವಾಗಿ ಹೆಚ್ಚಿನ ಕೊಬ್ಬು, ಸಕ್ಕರೆ, ಉಪ್ಪು ಆಹಾರಗಳು (HFSS) ಮತ್ತು ಅಲ್ಟ್ರಾ-ಸಂಸ್ಕರಿಸಿದ ಆಹಾರಗಳು (UPFs- ultra processed food) ಸೇರಿಸಿದ ಸಕ್ಕರೆ, ಕೊಬ್ಬು ಮತ್ತು ಉಪ್ಪಿನ ಸೇವನೆಯಲ್ಲಿ ಮಿತಗೊಳಿಸುವಿಕೆಯನ್ನು ಒತ್ತಿಹೇಳುತ್ತವೆ. ಮಾರ್ಗದರ್ಶಿ ಸೂತ್ರಗಳು ಮೊದಲ 6 ತಿಂಗಳವರೆಗೆ ಶಿಶುಗಳಿಗೆ ಪ್ರತ್ಯೇಕವಾಗಿ ಹಾಲುಣಿಸುವಿಕೆಯನ್ನು ಒತ್ತಿಹೇಳುತ್ತವೆ (ನೀರನ್ನು ಹೊರತುಪಡಿಸಿ). ಆಹಾರದಲ್ಲಿ ಮೈಕ್ರೋಗ್ರೀನ್‌ಗಳ ಸೇರ್ಪಡೆ, ಪರದೆಯ ಸಮಯವನ್ನು ಸೀಮಿತಗೊಳಿಸುವುದು, ಸಾಕಷ್ಟು ನಿದ್ರೆಯನ್ನು ಖಚಿತಪಡಿಸಿಕೊಳ್ಳುವುದು, ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದು, ವೈಯಕ್ತಿಕ ನೈರ್ಮಲ್ಯವನ್ನು ಕಾಪಾಡಿಕೊಳ್ಳುವುದು, ಸುರಕ್ಷಿತ ಆಹಾರವನ್ನು ಆಯ್ಕೆ ಮಾಡುವುದು, ಸೂಕ್ತವಾದ ಅಡುಗೆಯ ವಿಧಾನ ಅಳವಡಿಸಿಕೊಳ್ಳುವುದು, ಸೂಕ್ತವಾದ ಅಡುಗೆ ಪಾತ್ರೆಗಳ ಆಯ್ಕೆ ಮತ್ತು ಸರಿಯಾದ ಶೇಖರಣಾ ಕಾರ್ಯವಿಧಾನಗಳನ್ನು ಅನುಷ್ಠಾನಗೊಳಿಸುವುದು, ಉತ್ಪನ್ನ ಲೇಬಲ್‌ಗ‌ಳು, ಮಾದರಿ ಆಹಾರ ಚಾರ್ಟ್‌ಗಳನ್ನು ಎಚ್ಚರಿಕೆಯಿಂದ ಓದುವ ಮೂಲಕ ಆರೋಗ್ಯಕರ ಆಯ್ಕೆಗಳನ್ನು ಮಾಡುವುದು. ಹೆಚ್ಚಿನ ಕ್ಯಾಲೋರಿ ಆಹಾರ ಪದಾರ್ಥಗಳಿಗೆ ಪರ್ಯಾಯವಾಗಿ ಆರೋಗ್ಯಕರ ಪದಾರ್ಥಗಳನ್ನು ಉಲ್ಲೇಖೀಸಿದೆ. ನೆನಪಿಡಬೇಕಾದ 17 ಮಾರ್ಗಸೂಚಿಗಳು
ಸಮತೋಲಿತ ಆಹಾರವನ್ನು ಖಚಿತಪಡಿಸಿಕೊಳ್ಳಲು ವಿವಿಧ ಆಹಾರಗಳನ್ನು ಸೇವಿಸಿ
ಗರ್ಭಿಣಿಯರು ಮತ್ತು ತಾಯಂದಿರು ಹೆಚ್ಚುವರಿ ಆಹಾರ ಮತ್ತು ಆರೋಗ್ಯದ ಕುರಿತು ವಿಶೇಷ ಕಾಳಜಿ ವಹಿಸಬೇಕು
ಮೊದಲ ಆರು ತಿಂಗಳವರೆಗೆ ವಿಶೇಷ ಸ್ತನ್ಯಪಾನವನ್ನು ಖಚಿತಪಡಿಸಿಕೊಳ್ಳಿ; ಎರಡು ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ಅವಧಿಯ ವರೆಗೆ ಸ್ತನ್ಯಪಾನವನ್ನು ಮುಂದುವರಿಸಿ
ಆರು ತಿಂಗಳ ವಯಸ್ಸಿನ ಅನಂತರ ಮಗುವಿಗೆ ಮನೆಯಲ್ಲಿ ತಯಾರಿಸಿದ ಅರೆ-ಘನ ಪೂರಕ ಆಹಾರವನ್ನು ನೀಡಬೇಕು.
ಆರೋಗ್ಯಕರ ಸ್ಥಿತಿಯಲ್ಲಿ ಮತ್ತು ಖಾಯಿಲೆಗಳಲ್ಲಿ ಮಕ್ಕಳು ಮತ್ತು ಹದಿಹರೆಯದವರು ಸಾಕಷ್ಟು ಮತ್ತು ಸೂಕ್ತ ಆಹಾರಕ್ರಮವನ್ನು ಪಾಲಿಸಬೇಕು
ಸಾಕಷ್ಟು ತರಕಾರಿಗಳು ಮತ್ತು ಕಾಳುಗಳನ್ನು ತಿನ್ನಿರಿ
ತೈಲ / ಕೊಬ್ಬುಗಳನ್ನು ಮಿತವಾಗಿ ಬಳಸಿ; ಕೊಬ್ಬುಗಳು ಮತ್ತು ಅಗತ್ಯ ಕೊಬ್ಬಿನಾಮ್ಲಗಳ ದೈನಂದಿನ ಅಗತ್ಯಗಳನ್ನು ಪೂರೈಸಲು ವಿವಿಧ ಎಣ್ಣೆ, ಬೀಜಗಳನ್ನ ಆಯ್ಕೆ ಮಾಡಿ.
ಆಹಾರಗಳ ಸೂಕ್ತ ಸಂಯೋಜನೆಯ ಮೂಲಕ ಉತ್ತಮ ಗುಣಮಟ್ಟದ ಪ್ರೊಟೀನ್‌ಗಳು ಮತ್ತು ಅಗತ್ಯ ಅಮೈನೋ ಆಮ್ಲಗಳನ್ನು ಪಡೆದುಕೊಳ್ಳಿ.
ಸ್ನಾಯುವಿನ ದ್ರವ್ಯರಾಶಿಯನ್ನು ನಿರ್ಮಿಸಲು ಪ್ರೊಟೀನ್‌ ಪೂರಕಗಳನ್ನು ತಪ್ಪಿಸಿ
ಹೊಟ್ಟೆಯ ಬೊಜ್ಜು, ಅಧಿಕ ತೂಕ ಮತ್ತು ಒಟ್ಟಾರೆ ಬೊಜ್ಜು ತಡೆಯಲು ಆರೋಗ್ಯಕರ ಜೀವನಶೈಲಿಯನ್ನು ಅಳವಡಿಸಿಕೊಳ್ಳಿ
ದೈಹಿಕವಾಗಿ ಸಕ್ರಿಯರಾಗಿರಿ, ನಿಯಮಿತವಾಗಿ ವ್ಯಾಯಾಮ ಮಾಡಿ
ಉಪ್ಪು ಸೇವನೆಯನ್ನು ನಿರ್ಬಂಧಿಸಿ
ಸುರಕ್ಷಿತ ಮತ್ತು ಶುದ್ಧ ಆಹಾರವನ್ನು ಸೇವಿಸಿ
ಸೂಕ್ತವಾದ ಪೂರ್ವ-ಅಡುಗೆ ಮತ್ತು ಅಡುಗೆ ವಿಧಾನಗಳನ್ನು ಬಳಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಿ
ಸಾಕಷ್ಟು ನೀರು ಕುಡಿಯಿರಿ
ಅಲ್ಟ್ರಾ-ಸಂಸ್ಕರಿಸಿದ ಆಹಾರಗಳು ಮತ್ತು ಹೆಚ್ಚಿನ ಕೊಬ್ಬು, ಸಕ್ಕರೆ, ಉಪ್ಪು ಸೇವನೆಯನ್ನು ಕಡಿಮೆ ಮಾಡಿ
ವಯಸ್ಸಾದವರ ಆಹಾರದಲ್ಲಿ ಪೌಷ್ಟಿಕಾಂಶ ಭರಿತ ಆಹಾರಗಳಿಗೆ ಆದ್ಯತೆ ನೀಡಿ
ಆಹಾರ ಲೇಬಲ್‌ಗ‌ಳ ಮಾಹಿತಿಯನ್ನು ಓದಿ ಇದರಲ್ಲಿ ಪಿಜ್ಜಾ, ಡೋನಟ್ಸ್‌ ಮತ್ತು ಹಾಟ್‌ಡಾಗ್‌ಗಳ ಬದಲಿಗೆ ಸಲಾಡ್‌ ಮತ್ತು ಮೊಳಕೆ ಭರಿಸಿದ ಕಾಳುಗಳನ್ನು ಸೇವಿಸಬಹುದು. ಆಳವಾಗಿ ಕರಿದ ತಿಂಡಿಗಳ ಬದಲಿಗೆ ಬೀಜಗಳು ಮತ್ತು ತರಕಾರಿ ಬೀಜಗಳನ್ನು ತಿನ್ನಬಹುದು. ಹಣ್ಣಿನ ರಸವನ್ನು ಸೇವಿಸುವ ಬದಲು ಸಂಪೂರ್ಣ ಹಣ್ಣುಗಳನ್ನು ಸೇವಿಸಬೇಕು. ಜಾಮ್‌ ಮತ್ತು ಸಾಸ್‌ಗಳ ಬದಲಿಗೆ ಮನೆಯಲ್ಲಿ ತಯಾರಿಸಿದ ವಿವಿಧ ಬಗೆಯ ಚಟ್ನಿ ಮತ್ತು ಡಿಪ್‌ಗ್ಳನ್ನು ಬಳಸಬಹುದು. ರೆಡಿಮೇಡ್‌ ಸಾಫ್ಟ್ ಡ್ರಿಂಕ್ಸ್‌, ಜ್ಯೂಸುಗಳ ಬದಲಿಗೆ ಎಳನೀರು, ಮಜ್ಜಿಗೆ, ಲಿಂಬೆ, ಕಿತ್ತಳೆ, ಕಲ್ಲಂಗಡಿ, ಮಾವಿನ ಹಣ್ಣು, ಫೈನಾಪಲ್‌, ದಾಳಿಂಬೆ ಹಣ್ಣಿನ ರಸವನ್ನು ಕುಡಿಯಬಹುದು. ಕೇಕ್‌, ಚಾಕಲೇಟ್‌, ಸ್ವೀಟ್ಸ್‌ ಬದಲಿಗೆ ಮನೆಯಲ್ಲೇ ಮಾಡಿರುವ ವಿವಿಧ ಧಾನ್ಯಗಳ ಉಂಡೆಗಳು, ಚಿಕ್ಕಿ, ಹುರಿದ ಕಾಳು, ಬೀಜಗಳನ್ನು ತಿನ್ನಬಹುದು. ಒಟ್ಟಾಗಿ ಸಮತೋಲಿತ ಪೋಷಣೆಯ ಮೂಲಕ ಉತ್ತಮ ಆರೋಗ್ಯಕ್ಕೆ ಮಾರ್ಗಸೂಚಿಗಳನ್ನು ಅಳವಡಿಸಿಕೊಳ್ಳೋಣ. ನಮ್ಮ ದೈನಂದಿನ ಆಹಾರದಲ್ಲಿ ವಿವಿಧ ಪೋಷಕಾಂಶ-ಭರಿತ ಆಹಾರಗಳನ್ನು ಸೇರಿಸುವ ಮೂಲಕ ಮತ್ತು ನಮ್ಮ ಮ್ಯಾಕ್ರೋನ್ಯೂಟ್ರಿಯಂಟ್‌ ಸೇವನೆಯ ಬಗ್ಗೆ ಗಮನಹರಿಸುವ ಮೂಲಕ ನಾವು ಆರೋಗ್ಯಕರ ಭವಿಷ್ಯಕ್ಕೆ ದಾರಿ ಮಾಡಿಕೊಡಬಹುದು. ನೆನಪಿಡಿ, ನಮ್ಮ ಆಹಾರದಲ್ಲಿನ ಸಣ್ಣ ಬದಲಾವಣೆಗಳು ನಮ್ಮ ಒಟ್ಟಾರೆ ಆರೋಗ್ಯದಲ್ಲಿ ಗಮನಾರ್ಹ ಸುಧಾರಣೆಗಳಿಗೆ ಕಾರಣವಾಗಬಹುದು. ಕವಿತಾ ಎಸ್‌. ಪಥ್ಯಾಹಾರ ತಜ್ಞೆ , ಪಥ್ಯಾಹಾರ ವಿಭಾಗ, ಕೆಎಂಸಿ, ಮಾಹೆ, ಮಣಿಪಾಲ