ಚಿತ್ರಸಂತೆ ನೆನಪಾಗುತ್ತೆ!

ಅದು ಚಿತ್ರಸಂತೆಯ ಚಮತ್ಕಾರವೋ ಗೊತ್ತಿಲ್ಲ… ಬೆಂಗಳೂರಿನಲ್ಲಿ ಅಪಾರ ಕಲಾಪ್ರೇಮಿಗಳಿದ್ದಾರೆಂದು ಅರಿತೇ ಇಲ್ಲಿಗೆ ಹೊರರಾಜ್ಯಗಳ ಕಲಾವಿದರು, ಕಲಾಚಿತ್ರ ಪ್ರದರ್ಶನಕ್ಕೆಂದು ಬರುತ್ತಲೇ ಇರುತ್ತಾರೆ.

ಈಗ ದೇಶದ ಹೆಸರಾಂತ ಕಲಾ ಕಲಿಕಾ ಸಂಸ್ಥೆಗಳಾದ ಎಂಎಸ್‌ಯು ಬರೋಡಾ, ಜೆಜೆ ಸ್ಕೂಲ್‌ ಆಫ್ ಆರ್ಟ್‌, ದೆಹಲಿ ಕಾಲೇಜ್‌ ಆಫ್ ಆರ್ಟ್‌ನ ಪ್ರತಿಭಾವಂತ ಕಲಾವಿದರು ತಮ್ಮ ಕಲಾಕೃತಿಗಳನ್ನು ಹೊತ್ತು ತಂದಿದ್ದಾರೆ. ವಿಆರ್‌ ಬೆಂಗಳೂರು ಸಂಸ್ಥೆ ಈ ಪ್ರದರ್ಶನಕ್ಕೆ ವೇದಿಕೆ ಕಲ್ಪಿಸಿದ್ದು, 25 ದಿನಗಳ ವರೆಗೆ ತೆರೆದಿರುವ ಈ ಗ್ಯಾಲರಿ ಈಗಾಗಲೇ ಕಲಾಪ್ರೇಮಿಗಳ ಗಮನ ಸೆಳೆದಿದೆ. ಅಂದಹಾಗೆ, ಇದು ದೇಶದ ಮೊದಲ ಸಂಚಾರಿ ಕಲಾಚಿತ್ರ ಪ್ರದರ್ಶನವೂ ಹೌದು.

ಯಾವಾಗ?: ಫೆ.15ರ ವರೆಗೆ, ಬೆ.10ರಿಂದ ರಾ.10.30
ಎಲ್ಲಿ?: ವಿಆರ್‌ ಬೆಂಗಳೂರು, ವೈಟ್‌ಫೀಲ್ಡ್‌ ಮುಖ್ಯರಸ್ತೆ, ಮಹಾದೇವಪುರ