Sulya: ಚಾಲಕನ ನಿಯಂತ್ರಣ ತಪ್ಪಿ ಕಂದಕಕ್ಕೆ ಬಿದ್ದ ಕಾರು

ಸುಳ್ಯ: ಚಾಲಕನ ನಿಯಂತ್ರಣ ತಪ್ಪಿ ಕಾರೊಂದು ರಸ್ತೆ ಬದಿಯ ಕಂದಕಕ್ಕೆ ಬಿದ್ದ ಘಟನೆ ಸುಳ್ಯ -ಆಲೆಟ್ಟಿ ರಸ್ತೆಯ ಸುಳ್ಯದ ಗಾಂಧಿನಗರ ಸಮೀಪದ ಗುರುಂಪು ಎಂಬಲ್ಲಿ ಶುಕ್ರವಾರ ಸಂಭವಿಸಿದೆ.

ಕಾಸರಗೋಡು ಕಡೆಗೆ ತೆರಳುತ್ತಿದ್ದ ಕಾರು ಗುರುಂಪು ಎಂಬಲ್ಲಿ ಕಾರು ನಿಯಂತ್ರಣ ತಪ್ಪಿ ರಸ್ತೆ ಬದಿಯ ಕಂದಕಕ್ಕೆ ಬಿದ್ದಿದೆ. ರಸ್ತೆ ಬದಿಯಲ್ಲಿ ಕಟ್ಟಡ ಹಾಗೂ ರಸ್ತೆಯ ಮಧ್ಯೆ ಆಳವಾದ ಕಂದಕವಿದ್ದು ಇಲ್ಲಿಗೆ ಕಾರು ಬಿದ್ದು ಜಖಂಗೊಂಡಿದೆ. ಕಾರಿನಲ್ಲಿದ್ದ ಐದು ಮಂದಿ ಕೇರಳದ ಕಣ್ಣೂರು ಮೂಲದವರಾಗಿದ್ದು ಹಮೀದ್‌, ಬಶೀರ್‌, ರಹೀಸ್‌, ಹುಸೇನ್‌ ಮತ್ತು ಶಿಹಾಬ್‌ ಎಂಬುದಾಗಿ ತಿಳಿದು ಬಂದಿದೆ.