Rawalpindi: ಸಜಿದ್‌ ದಾಳಿಗೆ ಕುಸಿದ ಇಂಗ್ಲೆಂಡ್‌

ರಾವಲ್ಪಿಂಡಿ: ಸಜಿದ್‌ ಖಾನ್‌ ಅವರ ದಾಳಿಗೆ ಕುಸಿದ ಇಂಗ್ಲೆಂಡ್‌ ತಂಡವು ಪಾಕ್‌ನ ವಿರುದ್ಧದ ಮೂರನೇ ಟೆಸ್ಟ್‌ನ ಮೊದಲ ದಿನ 267 ರನ್‌ ಗಳಿಸಿ ಆಲೌಟಾಯಿತು. ಇದಕ್ಕುತ್ತರವಾಗಿ ಇನ್ನಿಂಗ್ಸ್‌ ಆರಂಭಿಸಿದ ಪಾಕಿಸ್ಥಾನ ತಂಡವು ದಿನದಾಟದ ಅಂತ್ಯಕ್ಕೆ ಮೂರು ವಿಕೆಟ್‌ ಕಳೆದುಕೊಂಡಿದ್ದು 73 ರನ್‌ ಗಳಿಸಿದೆ.

ಸರಣಿ ನಿರ್ಣಾಯಕ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಇಂಗ್ಲೆಂಡ್‌ ಎಚ್ಚರಿಕೆಯ ಆಟವಾಡಿತು. ಜಾಕ್‌ ಕ್ರಾಲಿ ಮತ್ತು ಬೆನ್‌ ಡಕೆಟ್‌ ತಾಳ್ಮೆಯ ಆಟ ಆಡಿ ಮೊದಲ ವಿಕೆಟಿಗೆ 56 ರನ್‌ ಪೇರಿಸಿದರು. ಈ ಜೋಡಿ ಮುರಿದ ಬಳಿಕ ತಂಡ ಕುಸಿಯತೊಡಗಿತು.

ಸಂಕ್ಷಿಪ್ತ ಸ್ಕೋರು: ಇಂಗ್ಲೆಂಡ್‌ 267 (ಡಕೆಟ್‌ 52, ಜಮೀ ಸ್ಮಿತ್‌ 89, ಗಸ್‌ ಅಟ್ಕಿನ್ಸನ್‌ 39, ಸಜಿದ್‌ ಖಾನ್‌ 128 ರನ್ನಿಗೆ 6, ನೋಮನ್‌ ಅಲಿ 88ಕ್ಕೆ 3); ಪಾಕಿಸ್ಥಾನ 3 ವಿಕೆಟಿಗೆ 73.