WI vs ENG, 5th T20I: ಅಂತಿಮ ಟಿ20 ರದ್ದು ಇಂಗ್ಲೆಂಡ್‌ಗೆ 3-1 ಸರಣಿ

ಗ್ರಾಸ್‌ ಐಲೆಟ್‌: ವೆಸ್ಟ್‌ ಇಂಡೀಸ್‌ ಮತ್ತು ಪ್ರವಾಸಿ ಇಂಗ್ಲೆಂಡ್‌ ನಡುವಿನ 5ನೇ ಹಾಗೂ ಅಂತಿಮ ಟಿ20 ಪಂದ್ಯ ಭಾರೀ ಮಳೆಯಿಂದ ರದ್ದುಗೊಂಡಿತು.

ಇದರಿಂದ ಇಂಗ್ಲೆಂಡ್‌ 3-1 ಅಂತರದಿಂದ ಸರಣಿ ವಶಪಡಿಸಿಕೊಂಡಿತು.ಈ ಪಂದ್ಯ ಕೇವಲ 5 ಓವರ್‌ಗಳಿಗೆ ಸೀಮಿತಗೊಂಡಿತು.

ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ವೆಸ್ಟ್‌ ಇಂಡೀಸ್‌ ವಿಕೆಟ್‌ ನಷ್ಟವಿಲ್ಲದೆ 44 ರನ್‌ ಗಳಿಸಿತ್ತು. ಎವಿನ್‌ ಲೂಯಿಸ್‌ 29 ಮತ್ತು ಶೈ ಹೋಪ್‌ 14 ರನ್‌ ಮಾಡಿದ್ದರು. ಈ ಹಂತದಲ್ಲಿ ಸುರಿದ ಮಳೆ, ಮತ್ತೆ ಪಂದ್ಯ ಮುಂದುವರಿಯಲು ಆಸ್ಪದ ಕೊಡಲಿಲ್ಲ.

ಇಂಗ್ಲೆಂಡ್‌ ಮೊದಲ 3 ಪಂದ್ಯಗಳನ್ನು ಗೆದ್ದು ಸರಣಿ ಮೇಲೆ ಹಕ್ಕು ಸಾಧಿಸಿತ್ತು. ಅನಂತರ ಇದೇ ಅಂಗಳದಲ್ಲಿ ನಡೆದ 4ನೇ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ ಪ್ರಚಂಡ ಚೇಸಿಂಗ್‌ ನಡೆಸಿ 5 ವಿಕೆಟ್‌ಗಳಿಂದ ಗೆದ್ದು ಬಂತು. ಇಂಗ್ಲೆಂಡ್‌ ಮಧ್ಯಮ ವೇಗಿ ಶಕಿಬ್‌ ಮಹಮೂದ್‌ ಸರಣಿಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.

ಇದಕ್ಕೂ ಮೊದಲು ನಡೆದ ಏಕದಿನ ಸರಣಿಯನ್ನು ವೆಸ್ಟ್‌ ಇಂಡೀಸ್‌ 2-1 ಅಂತರದಿಂದ ಜಯಿಸಿತ್ತು.