ಕನ್ನಡ ಚಿತ್ರರಂಗದಿಂದ ತೆಲುಗಿನತ್ತ ಹೊರಟು, ಅಲ್ಲಿಂದ ಬಾಲಿವುಡ್‌ ನ‌ತ್ತ ಮುಖ ಮಾಡಿರುವ ನಟಿ ರಶ್ಮಿಕಾ ಮಂದಣ್ಣ ಸದ್ಯ ತಮ್ಮ ಮೊದಲ ಹಿಂದಿ ಚಿತ್ರ “ಮಿಷನ್‌ ಮಜ್ನು’ ಚಿತ್ರೀಕರಣ ಮುಗಿಸಿದ ಖುಷಿಯಲ್ಲಿದ್ದಾರೆ.
ಇತ್ತೀಚೆಗಷ್ಟೇ ರಶ್ಮಿಕಾ ಮಂದಣ್ಣ ಅಭಿನಯದ ಚೊಚ್ಚಲ ಹಿಂದಿ ಚಿತ್ರ ” ಮಿಷನ್‌ ಮಜ್ನು ‘ ಚಿತ್ರೀಕರಣ ಪೂರ್ಣಗೊಂಡಿದ್ದು, ಇದೇ ಖುಷಿಯಲ್ಲಿ ಚಿತ್ರತಂಡ ಮುಂಬೈನ ಪ್ರತಿಷ್ಟಿತ ಐಷಾರಾಮಿ ಹೋಟೆಲ್‌ನಲ್ಲಿ ಭರ್ಜರಿಯಾಗಿ ಕೇಕ್‌ಕತ್ತರಿಸಿ ಪಾರ್ಟಿ ಮಾಡಿದೆ. ಚಿತ್ರತಂಡದ ಈ ಅದ್ಧೂರಿ ಪಾರ್ಟಿಯ ಪೋಟೋಗಳು ಮತ್ತು ವಿಡಿಯೋಗಳು ಸೋಶಿಯಲ್‌ ಮೀಡಿಯಾದಲ್ಲೂ ಸಾಕಷ್ಟು ವೈರಲ್ ಆಗಿದೆ.
ಇದನ್ನೂ ಓದಿ:ತ್ಯಾಗಮಯಿ ಈ ‘ಪ್ರೇಮಮಯಿ’: ಪ್ರೇಮ-ಪ್ರೀತಿಗೆ ಹೊಸ ವ್ಯಾಖ್ಯಾನ
ಇನ್ನು ” ಮಿಷನ್‌ ಮಜ್ನು ‘ ಚಿತ್ರದಲ್ಲಿ ಸಿದ್ಧಾರ್ಥ್ ಮಲ್ಹೋತ್ರಗೆ ಜೋಡಿಯಾಗಿ ರಶ್ಮಿಕಾ ಕಾಣಿಸಿ ಕೊಂಡಿದ್ದಾರೆ. ಸದ್ಯ “ಮಿಷನ್‌ ಮಜ್ನು’ ಪೋಸ್ಟ್‌ ಪ್ರೊಡಕ್ಷನ್‌ಕೆಲಸಗಳು ಭರದಿಂದ ನಡೆಯುತ್ತಿದ್ದು, ಮುಂದಿನ ವರ್ಷದ ಪ್ರಾರಂಭದಲ್ಲಿ ರಶ್ಮಿಕಾ ಮೊದಲ ಬಾಲಿವುಡ್‌ ಸಿನಿಮಾ ತೆರೆಗೆ ಬರುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
