ಮುಂಬೈ: ಇತ್ತೀಚಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಚಾಲೆಂಜ್ ಗಳು ಸಕ್ಕತ್ ಫೇಮಸ್ ಆಗುತ್ತಿವೆ. ಇದೀಗ ರಶ್ಮೀಕಾ ಮಂದಣ್ಣ ನೀಡಿದ ಚಾಲೆಂಜ್ ಒಂದನ್ನು ರಾಶಿ ಖನ್ನಾ ಸ್ವೀಕರಿಸಿ ಪೂರೈಸಿದ್ದಾರೆ.
ಗ್ರೀನ್ ಇಂಡಿಯಾ ಚಾಲೆಂಜ್ ಭಾಗವಾಗಿ ತೆಲುಗು ನಟಿ ಸಮಂತಾ ಅಕ್ಕಿನೇನಿ ನೀಡಿದ್ದ ಸವಾಲನ್ನು ಕನ್ನಡದ ನಟಿ ರಶ್ಮಿಕಾ ಮಂದಣ್ಣ ಸ್ವೀಕರಿಸಿ ಗಿಡ ನೆಟ್ಟು ನೀರೆರೆಯುವ ಮೂಲಕ ಪೂರೈಸಿದ್ದಾರೆ. ಮಾತ್ರವಲ್ಲದೆ ಆ ಚಾಲೆಂಜ್ ಅನ್ನು ನಟಿಯರಾದ ರಾಶಿ ಖನ್ನಾ, ಕಲ್ಯಾಣಿ ಪ್ರಿಯದರ್ಶನ್ ಮತ್ತು ಆಶಿಕಾ ರಂಗನಾಥ್ ಅವರಿಗೆ ವರ್ಗಾಯಿಸಿದ್ದರು.
ರಶ್ಮಿಕಾ ಸವಾಲು ಸ್ವೀಕರಿಸಿದ ರಾಶಿ ಖನ್ನಾ ತಮ್ಮ ಮನೆಯ ಗಾರ್ಡನ್ ನಲ್ಲಿ ಗಿಡಗಳನ್ನು ನೆಟ್ಟಿದ್ದಾರೆ. ಮಾತ್ರವಲ್ಲದೆ ಈ ಸಂದರ್ಭದಲ್ಲಿ ನಟಿ ರಶ್ಮಿಕಾಗೆ ಧನ್ಯವಾದ ಹೇಳಿ, ಸವಾಲನ್ನು ರಕುಲ್ ಪ್ರೀತ್ ಸಿಂಗ್, ಕಾಜಲ್ ಅಗರವಾಲ್ ಮತ್ತು ತಮನ್ನಾಗೆ ದಾಟಿಸಿದ್ದಾರೆ
ರಾಶಿ ಖನ್ನಾ ಅವರ ಈ ಕೆಲಸಕ್ಕೆ ಅಭಿಮಾನಿಗಳು ಮೆಚ್ಚುಗೆ ಸೂಚಿಸಿದ್ದಾರೆ.
