ಸಂಗೀತ ಕಾರ್ಯಕ್ರಮ ವೇಳೆ ಟ್ರಾಫಿಕ್‌: ಕಾರಿಂದ ಇಳಿದು ದೀಪಿಕಾ ನಡೆದು ಹೋದ ವಿಡಿಯೋ ವೈರಲ್‌

ಬೆಂಗಳೂರು: ಖ್ಯಾತ ಗಾಯಕ ದಿಲ್ಜಿತ್‌ ದೊಸಾಂಜ್‌ ಅವರ ಸಂಗೀತ ಕಾರ್ಯಕ್ರಮ ಬೆಂಗಳೂರಿನ ಮಾದಾವರದಲ್ಲಿ ಶುಕ್ರವಾರ ರಾತ್ರಿ ನಡೆದಿದ್ದು, ಆ ದಿನ ತುಮಕೂರು-ಬೆಂಗಳೂರು ಹೆದ್ದಾರಿಯಲ್ಲಿ ಭಾರೀ ಪ್ರಮಾಣದಲ್ಲಿ ಸಂಚಾರ ದಟ್ಟಣೆ ಉಂಟಾಗಿತ್ತು. ಅದರಲ್ಲಿ ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಸಿಲುಕಿದ್ದ ಅಂಶ ಬೆಳಕಿಗೆ ಬಂದಿದೆ.

ಹೀಗಾಗಿ, ಅವರು ಕಾರಿನಿಂದ ಇಳಿದು ನಡೆದು ಕೊಂಡು ಕಾರ್ಯಕ್ರಮ ನಡೆಯುತ್ತಿದ್ದ ಸ್ಥಳಕ್ಕೆ ಆಗಮಿಸಿದ್ದಾರೆ. ಅವರು ನಡೆದುಕೊಂಡು ಬರುತ್ತಿರುವ ವಿಡಿಯೋ  ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್‌ ಆಗಿದೆ.