ನಾಯಕತ್ವದಿಂದ ಬೌಲಿಂಗ್‌ ಸಾಧನೆಗೆ ಅಡ್ಡಿ: ರಶೀದ್‌ ಖಾನ್‌

ಕಾಬೂಲ್‌: ಅಫ್ಘಾನಿಸ್ಥಾನ ಕ್ರಿಕೆಟ್‌ ತಂಡಗಳ ನಾಯಕತ್ವದಲ್ಲಿ ಭಾರೀ ಬದಲಾವಣೆ ಸಂಭವಿಸಿದೆ. ಆದರೂ ಸ್ಟಾರ್‌ ಸ್ಪಿನ್ನರ್‌ ರಶೀದ್‌ ಖಾನ್‌ ಯಾವ ಮಾದರಿಗೂ ನಾಯಕನಾಗಿ ಆಯ್ಕೆಯಾಗಿಲ್ಲ. ಟಿ20 ನಾಯಕತ್ವದಿಂದ ಸ್ವತಃ ಅವರೇ ದೂರ ಸರಿದಿದ್ದಾರೆ.

“ನಾನೇನು, ನನ್ನ ಸಾಮರ್ಥ್ಯವೇನು ಎಂಬುದು ನನಗೆ ಸ್ಪಷ್ಟವಾಗಿ ತಿಳಿದಿದೆ. ಟಿ20 ನಾಯಕನಾಗಬಹುದಿತ್ತು. ಆದರೆ ಇದರಿಂದ ನನ್ನ ಬೌಲಿಂಗ್‌ ಮೇಲೆ ಒತ್ತಡ ಬೀಳಲಿದೆ.

ನಾಯಕನಿಗಿಂತ ನಾನು ಓರ್ವ ಬೌಲರ್‌ ಆಗಿಯೇ ತಂಡಕ್ಕೆ ಹೆಚ್ಚು ಉಪಯುಕ್ತನಾಗಬಲ್ಲೆ ಎಂಬುದರ ಸ್ಪಷ್ಟ ಅರಿವಿದೆ’ ಎಂಬುದಾಗಿ ರಶೀದ್‌ ಖಾನ್‌ ಹೇಳಿದರು.