ಗೌರಿ ಲಂಕೇಶ್‌ ಹತ್ಯೆ: ಗುಹಾಗೆ ಬಿಜೆಪಿ ಲೀಗಲ್‌ ನೊಟೀಸ್‌

ಹೊಸದಿಲ್ಲಿ : ಪತ್ರಕರ್ತೆ, ಸಮಾಜ ಸೇವಕಿ, ಧೀಮಂತ ಚಿಂತಕಿ ಗೌರಿ ಲಂಕೇಶ್‌ ಅವರ ಹತ್ಯೆಗೆ ಆರ್‌ಎಸ್‌ಎಸ್‌, ಬಿಜೆಪಿ ನಂಟು ಕಲ್ಪಿಸಿರುವ ಇತಿಹಾಸಕಾರ, ಚಿಂತಕ ರಾಮಚಂದ್ರ ಗುಹಾ ಅವರಿಗೆ ಭಾರತೀಯ ಜನತಾ ಪಕ್ಷ ಕಾನೂನು ನೊಟೀಸ್‌ ಕಳುಹಿಸಿದೆ.

ಗೌರಿ ಲಂಕೇಶ್‌ ಅವರ ಹತ್ಯೆಯಲ್ಲಿ ಬಿಜೆಪಿ ಅಥವಾ ಆರ್‌ಎಸ್‌ಎಸ್‌ ನೇರವಾಗಿ ಶಾಮೀಲಾಗಿಲ್ಲವಾದರೂ ಇವುಗಳ ನೇತೃತ್ವದ ಇರುವ ಆಳುವ ಪಕ್ಷವು ದ್ವೇಷ ಮತ್ತು ಶಂಕೆಯ ವಾತಾವರಣವನ್ನು ಹುಟ್ಟುಹಾಕಿ ಈ ಬಗೆಯ ಹತ್ಯೆಗಳು ಸಾಧ್ಯವಾಗುವುದಕ್ಕೆ  ಕಾರಣವಾಗಿವೆ ಎಂದು ಗುಹಾ ಹೇಳಿದ್ದಾರೆ. 

ಗೌರಿ ಲಂಕೇಶ್‌ ರೀತಿಯ ಹತ್ಯೆಗಳನ್ನು ಮಾಡುವ ಹವ್ಯಾಸಿಗಳಿಗೆ ರಾಜಕಾರಣಿಗಳು ಮತ್ತು ಅವರ ಚಿಂತನೆಗಳಿಂದ ಈ ರೀತಿಯ ಕೃತ್ಯ ಎಸಗುವುದಕ್ಕೆ ಬಲ ದೊರಕಿದಂತಾಗಿದೆ ಎಂದು ಗುಹಾ ಹೇಳಿದ್ದಾರೆ.